Page Text
________________
बावीसइमं किरियापयं
२७७ ३६. णेरइए णं भंते ! णेरइयाओ कतिकिरिए ? गोयमा ! सिय तिकिरिए सिय चउकिरिए। ‘एवं जाव थणियकुमाराओ। पुढविकाइयाओ जाव मणुस्साओ जहा' जीवाओ । वाणमंतर-जोइसिय-वैमाणियाओ जहा नेरइयाओ॥
४०. णेरइए णं भंते ! जीवेहितो कइकिरिए ? गोयमा ! सिय तिकिरिए सिय चउकिरिए सिय पंचकिरिए॥
४१. णेरइए णं भंते ! णेरइएहितो कइकिरिए ? गोयमा ! सिय तिकिरिए सिय चउकिरिए। एवं जहेव' पढमो दंडओ तहा एसो वि बितिओ भाणियव्वो"। एवं जाव वेमाणिहितो, णवरं-णेरइयस्स रइएहितो देवेहितो य पंचमा किरिया णत्थि ।।
४२. णेरइया णं भंते ! जीवाओ कतिकिरिया ? गोयमा ! सिय तिकिरिया सिय चउकिरिया सिय पंचकिरिया। एवं जाव वेमाणियाओ, णवरं-णेरइयाओ देवाओ य पंचमा किरिया णत्थि ॥
४३. णेरइया णं भंते ! जीवेहितो कतिकिरिया ? गोयमा ! तिकिरिया वि चउकिरिया वि पंचकिरिया वि।।
४४. णेरइया णं भंते ! णेरइएहितो कतिकिरिया ? गोयमा ! तिकिरिया वि चउकिरिया वि। एवं जाव वेमाणिएहितो, णवरं–ओरालियसरीरेहितो जहा जीवे
हितो॥
४५. असुरकुमारे णं भंते ! जीवातो कतिकिरिए ? गोयमा ! जहेव' णेरइए चत्तारि दंडगा तहेव असुरकुमारे वि चत्तारि दंडगा भाणियव्वा । एवं उवउज्जिऊण भावेयव्वं तिजीवे मणूसे य अकिरिए वुच्चति, सेसा अकिरिया ण वुच्चंति । सब्वजीवा ओरालियसरीरेहितो पंचकिरिया, णेरइय-देवेहिंतो य पंचकिरिया ण वुच्चंति । एवं एक्केक्कजीवपए चत्तारि चत्तारि दंडगा भाणियव्वा । एवं एयं दंडगसयं । सव्वे वि य जीवादीया दंडगा। किरिया-सहभाव-पदं
४६. कति णं भंते ! किरियाओ पण्णत्ताओ? गोयमा ! पंच किरियाओ पण्णत्ताओ, तं जहा-काइया जाव पाणाइवायकिरिया ॥
४७. णेरइयाणं भंते ! कति किरियाओ पण्णत्ताओ? गोयमा ! पंच किरियाओ पण्णत्ताओ, तं जहा–काइया जाव पाणाइवायकिरिया । एवं जाव वेमाणियाणं ॥
४८. जस्स णं भंते ! जीवस्स काइया किरिया कज्जइ तस्स अहिगरणिया किरिया कज्जति ? जस्स अहिगरणिया किरिया कज्जति तस्स काइया किरिया कज्जति ? गोयमा ! जस्स णं जीवस्स काइया किरिया कज्जति तस्स अहिगरणी णियमा कज्जति, जस्स अहिगरणी किरिया कज्जति तस्स वि काइया किरिया णियमा कज्जति ।।
४६. जस्स णं भंते ! जीवस्स काइया किरिया कज्जति तस्स पाओसिया किरिया कज्जति ? जस्स पाओसिया किरिया कज्जति तस्स काइया किरिया कज्जति ? गोयमा !
१. २२।३८ । २. प० २२०३६। ३. चिह्नाङ्कितपाठः 'ख,घ' प्रत्यो स्ति।
४. पंचमी (ख)। ५. प० २२।४३। ६.५०२२।३८-४४।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |