________________
बावीसइमं किरियापयं
किरियाभेय-पदं
१. कति णं भंते ! किरियाओ पण्णत्ताओ? गोयमा ! पंच किरियाओ पण्णत्ताओ, तं जहा-काइया अहिगरणिया'पादोसिया पारियावणिया पाणाइवातकिरिया।।
२. काइया णं भंते ! किरिया कतिविहा पण्णत्ता ? गोयमा ! दुविहा पण्णत्ता, तं जहा-अणुवरयकाइया य दुप्पउत्तकाइया य ॥
३. अहिगरणिया णं भंते ! किरिया कतिविहा पण्णत्ता ? गोयमा ! दुविहा पण्णत्ता, तं जहा-संजोयणाहिकरणिया य निव्वत्तणाहिकरणिया य॥
४. पादोसिया णं भंते ! किरिया कतिविहा पण्णत्ता ? गोयमा ! तिविहा पण्णत्ता, तं जहा-जेणं अप्पणो वा परस्स वा तदुभयस्स वा असुभं मणं पधारेति'। से तं पादोसिया किरिया ॥
५. पारियावणिया णं भंते ! किरिया कतिविहा पण्णत्ता? गोयमा ! तिविहा पण्णत्ता, तं जहा-जेणं अप्पणो वा परस्स वा तदुभयस्स वा असायं वेदणं उदीरेति । से तं पारियावणिया किरिया ॥
६. पाणातिवातकिरिया णं भंते ! कतिविहा पण्णत्ता ? गोयमा ! ति विहा पण्णत्ता, तं जहा-जेणं अप्पाणं वा परं वा तदुभयं वा जीवियाओ ववरोवेइ। से तं पाणाइवायकिरिया ॥ सकिरियत्त-अकिरियत्त-पदं
७. जीवाणं भंते ! किं सकिरिया ? अकिरिया ? गोयमा! जीवा सकिरिया वि अकिरिया वि॥
८. से केणठेणं भंते ! एवं वुच्चति -जीवा सकिरिया वि अकिरिया वि? गोयमा ! जीवा दुविहा पण्णत्ता, तं जहा-संसारसमावण्णगा य असंसारसमावण्णगा य । तत्थ णं जेते असंसारसमावण्णगा ते णं सिद्धा, सिद्धा णं अकिरिया। तत्थ णं जेते संसारसमावण्णगा ते दुविहा पण्णत्ता, तं जहा-सेलेसिपडिवण्णगा य असेलेसिपडिवण्णगा य । तत्थ णं जेते सेलेसिपडिवण्णगा ते णं अकिरिया। तत्थ णं जेते असेलेसिपडिवण्णगाते णं सकिरिया। से
१. आहिगरणिया (पु)।
२. वा धारेति (क,ख)।
२७४
Jain Education International
For Private & Personal Use Only
www.jainelibrary.org
