Page Text
________________
२७०
जहणणं देणारयणी, उक्कोसेणं पडिपुण्णा रयणी ॥ तेयगसरीरे विहि-पदं
७५. तेयगसरीरे णं भंते ! कतिविहे पण्णत्ते ? गोयमा ! पंचविहे पण्णत्ते, तं जहागिदियतेयगसरीरे जाव पंचेंदियतेयगसरीरे ॥
७६. एगिंदियतेयगसरीरे णं भंते ! कतिविहे पण्णत्ते ? गोयमा ! पंचविहे पण्णत्ते, तं जहा - पुढविक्काइयएगिदियतेयगसरीरे जाव वणप्फइकाइयएगिदियतेयगसरीरे । एवं जहा' ओरालियसरीरस्स भेदो भणिओ तहा तेयगस्स वि जाव चउरिंदियाणं ॥
७७. पंचेंदियतेयगसरीरे णं भंते ! कतिविहे पण्णत्ते ? गोयमा ! चउव्विहे पण्णत्ते, तं जहा - इयतेयगसरीरे जाव देवतेयगसरीरे । णेरइयाण दुगतो भेदो भाणियव्वो जहा वेउव्वियसरीरे। पंचेंदियतिरिक्खजोणियाणं मणूसाण य जहा ओरालियसरीरे भेदो भणितो तहा भाणियव्वो । देवाणं जहां वेउव्वियसरीरे भेओ भणितो तहा भाणियव्वो जव सव्वसिद्धदेवेत्ति ॥ तेयगसरीरे संठाण-पदं
७८. तेयगसरीरे णं भंते! किंसंठिए पण्णत्ते ? गोयमा ! णाणासंठाणसंठिए पण्णत्ते ॥
७६. गिंदियतेयगसरीरे णं भंते ! किंसंठिए पण्णत्ते ? गोयमा ! णाणासंठाणसंठिए पण्णत्ते ।
८०. पुढविक्काइए गिंदियतेयगसरीरे णं भंते! किंसंठिए पण्णत्ते ? गोयमा ! मसूरचंद ठाणसंठिए' पण्णत्ते । एवं ओरालियसंठाणाणुसारेणं भाणियव्वं जाव' चउरिदियाति ॥
रइयाणं भंते! तेयगसरीरे किंसंठिए पण्णत्ते ? गोयमा ! जहा वेउव्विय
सरीरे ॥
८२. पंचेंदियतिरिक्खजोणियाणं मणूसाण य जहा ' एतेसि चेव ओरालिय त्ति ॥ ८३. देवाणं भंते! तेयगसरीरे किसंठिए पण्णत्ते ? गोयमा ! जहा ' वेउव्वियस्स जाव अणुत्तरोववाइय त्ति ॥ तेयगसरीरे पमाण-पदं
८१.
८४. जीवस्स णं भंते ! मारणंतियसमुग्धाएवं समोहयस्स तेयासरीरस्स केमहालिया सरीरोगाहणा पण्णत्ता ? गोयमा ! सरीरपमाणमेत्ता विक्खंभ-बाहल्लेणं; आयामेणं जहणणं अंगुलस्स असंखेज्जइभागो, उक्कोसेणं लोगंताओ लोगंतो ॥
८५. एगिदियस्स णं भंते ! मारणं तिय समुग्धाएणं समोहयस्स तेयासरीरस्स के महालिया सरीरोगाहणा पण्णत्ता ? गोयमा ! एवं चैव जाव पुढवि - आउ-ते उ-वाउ-वणप्फइ
१. प० २१।४-६ ।
२. प० २१।५२ ।
३. प० २१1७-२० ।
४. १० २१।५५ । ५. मसूराचंद° (ख, घ) ।
Jain Education International
पण्णवातं
६. प० २१।२४-२८ ।
७. प० २१।५८, ५६ ।
८. प० २१।२६-३७ ।
६. प० २१।६१,६२ ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |