Page Text
________________
२६२
पण्णवणासुत्तं गोयमा ! छव्विहसंठाणसंठिए पण्णत्ते, तं जहा-समचउरंसे जाव हुंडे । एवं पज्जत्तापज्जत्ताण वि ।।
३३. सम्मुच्छिमजलयरा हुंडसंठाणसंठिया। एतेसिं चेव पज्जत्तापज्जत्तगा वि एवं
चेव ॥
३४. गब्भवक्कंतियजलयरा छव्विहसंठाणसंठिया । एवं पज्जत्तापज्जत्तगा वि ।।
३५. एवं थलयराण वि णव सुत्ताणि । एवं चउप्पयथलयराण वि उरपरिसप्पथलयराण वि भुयपरिसप्पथलयराण वि । एवं खहयराण वि णव सुत्ताणि, णवरं-सव्वत्थ सम्मुच्छिमा हुंडसंठाणसंठिया भाणियव्वा, इयरे छसु वि ।।
३६. मणूसपंचेंदियओरालियसरीरे णं भंते ! किंसंठाणसंठिए पण्णत्ते ? गोयमा ! छव्विहसंठाणसंठिए पण्णत्ते, तं जहा-समचउरसे जाव हुंडे । पज्जत्तापज्जत्ताण वि एवं चेव । गब्भवक्कंतियाण वि एवं चेव । पज्जत्तापज्जत्तगाण वि एवं चेव ।।
३७. सम्मुच्छिमाणं पुच्छा । गोयमा ! हुंडसंठाणसंठिया पण्णत्ता । ओरालियसरीरे पमाण-पदं
३८. ओरालियसरीरस्स णं भंते ! केमहालिया सरीरोगाहणा पण्णत्ता ? गोयमा ! जहण्णेणं अंगुलस्स असंखेज्जइभाग, उक्कोसेणं सातिरेगं जोयणसहस्सं ॥
३६. एगिदियओरालियस्स वि एवं चेव जहा ओहियस्स ।।
४०. पुढविक्काइयएगिदियओरालियसरीरस्स णं भंते ! केमहालिया सरीरओगाहणा पण्णत्ता ?° गोयमा ! जहण्णेण वि उक्कोसेण वि अंगुलस्स असंखेज्जइभागं । एवं अपज्जत्तयाण वि पज्जत्तयाण वि । एवं सुहुमाण वि पज्जत्तापज्जत्ताणं । बादराणं पज्जत्तापज्जत्ताण वि एवं । एसो णवओ भेदो। जहा पुढविक्काइयाणं तहा आउक्काइयाण वि तेउक्काइयाण वि वाउक्काइयाण वि॥
४१ वणस्सइकाइयओरालियसरीरस्स णं भंते ! केमहालिया सरीरोगाहणा पण्णत्ता ? गोयमा ! जहण्णणं अंगूलस्स असंखेज्जइभाग, उक्कोसेणं सातिरेगं जोयणसहस्सं। अपज्जतगाणं जहण्णेण वि उक्कोसेण वि अंगुलस्स असंखेज्जइभागं । पज्जत्तगाणं जहण्णेणं अंगुलन्स असंखेज्जइभाग, उक्कोसेणं सातिरेगं जोयणसहस्सं । बादराणं जहण्णेणं अंगलस्स असंखेज्जइभाग, उक्कोसेणं सातिरेगं जोयणसहस्सं । पज्जत्ताण वि एवं चेव। अपज्जत्ताणं जहण्णेण वि उक्कोसेण वि अंगुलस्स असंखेज्जइभागं । सुहुमाणं पज्जत्तापज्जत्ताण य तिण्ह वि जहण्णण वि उक्कोसेण वि अंगुलस्स असंखेज्जइभागं ॥
४२. बेइंदियओरालियसरीरस्स णं भंते ! केमहालिया सरीरोगाहणा पण्णत्ता ? गोयमा ! जहण्णेणं अंगुलस्स असंखेज्जइभागं, उक्कोसेणं बारस जोयणाई। एवं सव्वत्थ वि अपज्जत्तयाणं अंगुलस्स असंखेज्जइभागं जहण्णण वि उक्कोसेण वि। पज्जत्तयाणं जहेव ओद्रियस्सा एवं तेइंदियाणं तिण्णि गाउयाई, चउरिदियाणं चत्तारि गाउयाइं।
१. सं०पा०--पुच्छा। २. सर्वेष्वपि आदर्गेषु 'ओरालियस्स ओहियस्स'
इति पाठो लभ्यते, किन्तु 'ओरालियस्स' इति
पदं अत्र सङ्गतं नास्ति। यदि 'ओरालियस्स ओहियस्स' इति पाठः स्वीकृतः स्यात् तदा द्वीन्द्रियौदारिकशरीरस्य उत्कृष्टावगाहना
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |