Page Text
________________
२४५
अट्ठारसमं कायट्टिइपयं
७२. तेउलेस्से णं भंते ! तेउलेस्से ति कालओ केवचिरं होइ ?' गोयमा ! जहण्णणं अंतोमुहत्तं, उक्कोसेणं दो सागरोमाइं पलिओवमासंखेज्जइभागमब्भहियाइं ॥
७३. पम्हलेस्से णं "भंते ! पम्हलेस्से त्ति कालओ केवचिरं होइ ?° गोयमा ! जहण्णेणं अंतोमुहुत्तं, उक्कोसेणं दस सागरोवमाइं अंतोमुहुत्तमब्भहियाइं॥
___७४. सुक्कलेस्से णं भंते ! "सुक्कलेस्से त्ति कालओ केवचिरं होइ ? गोयमा ! जहण्णेणं अंतोमुहुत्तं, उक्कोसेणं तेत्तीसं सागरोवमाइं अंतोमुत्तमब्भहियाइं ॥
७५. अलेस्से णं "भंते अलेस्से त्ति कालओ केवचिरं होइ ?' गोयमा ! सादीए अपज्जवसिए॥ सम्मत्त-पदं
७६. सम्मद्दिट्ठी णं भंते ! सम्मद्दिट्ठी त्ति कालओ केवचिरं होइ ? गोयमा ! सम्मट्टिी दुविहे पण्णत्ते, तं जहा-सादीए वा अपज्जवसिए, सादीए वा सपज्जवसिए । तत्थ णं जेसे सादीए सपज्जवसिए से जहण्णेणं अंतोमुहुत्तं, उक्कोसेणं छाव४ि सागरोवमाइं सातिरेगाई।
७७. मिच्छद्दिट्टी णं भंते ! ५ मिच्छट्टिी त्ति कालओ केवचिरं होइ ?° गोयमा ! मिच्छद्दिट्ठी तिविहे पण्णत्ते, तं जहा-अणादीए वा अपज्जवसिए, अणादीए वा सपज्जवसिए, सादीए वा सपज्जवसिए। तत्थ णं जेसे सादीए सपज्जवसिए से जहण्णणं अंतोमुहत्तं, उक्कोसेणं अणंतं कालं-अणंताओ उस्सप्पिणि-ओस प्पिणीओ कालओ, खेत्तओ अवड्ढं पोग्गलपरियट्टं देसूणं ॥
७८. सम्मामिच्छद्दिट्ठी णं "भंते ! सम्मामिच्छद्दिट्ठी ति कालओ केवचिरं होइ ?' गोयमा ! जहण्णण वि उक्कोसेण वि अंतोमुहुत्तं ॥ णाण-पदं
७६. णाणी णं भंते ! णाणीति कालओ केवचिरं होई ? गोयमा! णाणी विहे पण्णत्ते, तं जहा-सादीए वा अपज्जवसिए, सादीए वा सपज्जवसिए । तत्थ णं जेसे सादीए सपज्जवसिए से जहण्णणं अंतोमुहुत्तं, उक्कोसेणं छावर्द्धि सागरोवमाइं साइरेगाई॥
८०. आभिणिबोहियणाणी णं भंते ! "आभिणिबोहियणाणी ति कालओ केवचिरं होइ ? गोयमा एवं चेव। एवं सुयणाणी वि। ओहिणाणी वि एवं चेव । णवरं-जहण्णेणं एक्कं समयं ।।
८१. मणपज्जवणाणी णं भंते ! मणपज्जवणाणी ति कालओ केवचिरं होइ? गोयमा! जहण्णेणं एक्कं समयं, उक्कोसेणं देसूणं पुव्वकोडिं ॥
८२. केवलणाणी णं "भंते ! केवलणाणी ति कालओ केवचिरं होइ ?° गोयमा ! सादीए अपज्जवसिए ।
८३. अण्णाणी-मइअण्णाणी-सुयअण्णाणी णं पुच्छा । गोयमा! अण्णाणी मतिअण्णाणी सुयअण्णाणी तिविहे पण्णत्ते, तं जहा-अणादीए वा अपज्जवसिए, अणादीए वा सपज्जवसिए, सादीए वा सपज्जवसिए। तत्थ णं जेसे सादीए सपज्जवसिए से जहण्णेणं अंतोमुहत्तं,
१-८. सं० पा०-पुच्छा।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |