Page Text
________________
अट्ठारसमं कायट्ठिइपयं
२४१ २३. चउरिदियपज्जत्तए णं भंते ! "चउरिदियपज्जत्तए त्ति कालओ केवचिरं होइ?° गोयमा ! जहण्णेणं अंतोमुहुत्तं, उक्कोसेणं संखेज्जा मासा ॥
२४. पंचेंदियपज्जत्तए णं भंते ! पंचेंदियपज्जत्तए त्ति कालओ केवचिरं होइ ? गोयमा ! जहण्णणं अंतोमुहत्तं, उक्कोसेणं सागरोवमसतपुहत्तं ।। काय-पदं
२५. सकाइए णं भंते ! सकाइए त्ति कालओ केवचिरं होइ ? गोयमा ! सकाइए दुविहे पण्णत्ते, तं जहा-अणादीए वा अपज्जवसिए अणादीए वा सपज्जवसिए ।
२६. पुढविक्काइए णं भंते ! "पुढविक्काइए त्ति कालओ केवचिरं होइ ?° गोयमा ! जहण्णेणं अंतोमुत्तं, उक्कोसेणं असंखेज्जं कालं-असंखेज्जाओ उस्सप्पिणि-ओसप्पिणीओ कालओ, खेत्तओ असंखेज्जा लोगा । एवं आउ-तेउ-वाउक्काइया वि।
२७. वणस्सइकाइया णं "भंते ! वणस्सइकाइए त्ति कालओ केवचिरं होइ ?' गोयमा ! जहण्णणं अंतोमहत्तं, उक्कोसेणं अणंतं कालं-अणंताओ उस्सप्पिणि-ओसप्पिणीओ कालओ, खेत्तओ अणंता लोगा-असंखेज्जा पोग्गलपरियट्टा, ते णं पोग्गलपरियट्टा आवलियाए असंखेज्जइभागो।।
२८. तसकाइए णं भंते ! तसकाइए त्ति "कालओ केवचिरं होइ ?° गोयमा ! जहण्णेणं अंतोमहत्तं, उक्कोसेणं दो सागरोवमसहस्साई संखेज्जवासमब्भहियाई॥
२६ अकाइए णं भंते ! “अकाइए त्ति कालओ केवचिरं होइ ! ° गोयमा ! अकाइए सादीए अपज्जवसिए॥
३०. सकाइयअपज्जत्तए णं "भंते ! सकाइयअपज्जत्तए त्ति कालओ केवचिरं होइ ?° गोयमा ! जहण्णेण वि उक्कोसेण वि अंतोमुहुत्तं । एवं जाव तसकाइयअपज्जत्तए॥
३१. सकाइयपज्जत्तए णं "भंते ! सकाइयपज्जत्तए त्ति कालओ केवचिरं होइ ?' गोयमा ! जहणेणं अंतोमुहुत्तं, उक्कोसेणं सागरोवमसतपुहत्तं सातिरेगं ॥
३२. पुढविक्काइयपज्जत्तए णं "भंते ! पुढविक्काइयपज्जत्तए त्ति कालओ केवचिरं होइ ? गोयमा ; जहण्णेणं अंतोमुहुत्तं, उक्कोसेणं संखेज्जाइं वाससहस्साई। एवं आऊ वि॥
३३. तेउक्काइयपज्जत्तए णं भंते ! तेउक्काइयपज्जत्तए त्ति कालओ केवचिरं होइ ?° गोयमा । जहण्णेणं अंतोमुहुत्तं, उक्कोसेणं संखेज्जाइं राइंदियाई॥
३४. वाउक्काइयपज्जत्तए णं " भंते ! वाउक्काइयपज्जत्तए त्ति कालओ केवचिरं होइ ? गोयमा ! जहण्णेणं अंतोमुहत्तं, उक्कोसेणं संखेज्जाइं वाससहस्साइं॥
३५. वणस्सइकाइयपज्जत्तए णं भंते ! वणस्सइकाइयपज्जत्तए त्ति कालओ केवचिरं होइ ? गोयमा ! जहण्णेणं अंतोमुहत्तं, उक्कोसेणं संखेज्जाइं वाससहस्साइं॥
३६. तसकाइयपज्जत्तए णं "भंते ! तसकाइयपज्जत्तए त्ति कालओ केवचिरं होइ ?' गोयमा ! जहण्णेणं अंतोमुहुत्तं, उक्कोसेणं सागरोवमसयपुहत्तं सातिरेग ।।
३-१३. सं० पा०-पुच्छा।
१. सं०पा०-पुच्छा। २. पुहुत्तं (क,ग,घ)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |