________________
अट्ठारसमं कायट्ठिइपयं
गाहा
१ जीव २,३ गतिदिय' ४ काए, ५ जोगे' ६ वेदे' कसाय ८ लेस्सा य ।
६ सम्मत्त १० णाण ११ दंसण १२ संजय १३ उवओग आहारे ॥१॥ १५ भासग १६ परित्त १७ पज्जत्त, १८ सुहुम १६ सण्णो २०,२१ भवत्थि २२ चरिमे य ।
एतेसिं तु पदाणं कायठिई होति णायव्वा ।।२।। जीव-पदं
१. जीवे णं भंते ! जोवे त्ति कालओ केवचिरं होइ ? गोयमा ! सव्वद्धं ।। गइ-पदं
२. णेरइए णं भंते ! नेरइए त्ति कालओ केवचिरं होइ ? गोयमा ! जहण्णणं दस वाससहस्साइं, उक्कोसेणं तेत्तीसं सागरोवमाइं।
३. तिरिक्खजोणिए णं भंते ! तिरिक्खजोणिए त्ति कालओ केवचिरं होइ ? गोयमा ! जहण्णेणं अंतोमुहुत्तं, उक्कोसेणं अणंतं कालं-अणंताओ उस्सप्पिणि-ओसप्पिणीओ कालतो, खेत्तओ अणंता लोगा-असंखेज्जा पोग्गलपरियटा, ते णं पोग्गलपरियदा आवलियाए असंखेज्जतिभागो॥
४.तिरिक्खजोणिणी णं भंते ! तिरिक्खजोणिणीति कालओ केवचिरं होइ ? गोयमा ! जहणणं अंतोमुहत्तं, उक्कोसेणं तिण्णि पलिओवमाइं पुव्वकोडिपुहत्तअब्भइयाई। एवं मणूसे वि । मणूसी वि एवं चेव ॥
५. देवे णं भंते ! देवे त्ति कालओ केवचिरं होइ ? गोयमा ! जहेव णेरइए ।
६. देवी णं भंते ! देवी ति कालओ केवचिरं होइ ? गोयमा ! जहण्णेणं दस वाससहस्साइं, उक्कोसेणं पणपण्णं पलिओवमाई।।
७. सिद्धे णं भंते ! सिद्धे ति कालओ केवचिरं होइ ? गोयमा ! सादीए अपज्जवसिए॥
१. गइ इंदिय (क,ख'ग)। २. जोए (ख,ग)। ३. वेए (क,ग); वेते (ख,घ)।
४. आउलिए (क)। ५. °पुहुत्त (क,ख,ग,घ)।
२३६
Jain Education International
For Private & Personal Use Only
www.jainelibrary.org
