________________
चोद्दसमं कसायपयं
कसायभय-पदं
१. कति णं भंते ! कसाया पण्णत्ता ? गोयमा ! चत्तारि कसाया पण्णत्ता, तं जहाकोहकसाए माणकसाए मायाकसाए लोभकसाए । चउवीसदंडएसु कसायपरूवण-पदं
२. णेरइयाणं भंते ! कति कसाया पण्णत्ता ? गोयमा ! चत्तारि कसाया पण्णत्ता, तं जहा-कोहकसाए जाव लोभकसाए। एवं जाव वेमाणियाणं ।। कसायपइट्ठा-पदं
३. कतिपतिट्टिए णं भंते ! कोहे पण्णत्ते ? गोयमा ! चउपतिट्ठिए कोहे पण्णत्ते, तं जहा-आयपतिट्ठिए परपतिट्ठिए तदुभयपतिट्ठिए अप्पतिट्ठिए। एवं णेरइयाणं' जाव वेमाणियाणं दंडओ॥
४. एवं माणेणं दंडओ, मायाए दंडओ, लोभेणं दंडओ ।। सायउप्पत्ति-पदं
५. 'कतिहि णं" भंते ! ठाणेहिं कोहुप्पत्ती भवति ? गोयमा ! चउहि ठाणेहि कोहुप्पत्ती भवति, तं जहा-खेत्तं पडुच्च, वत्थु पडुच्च, सरीरं पडुच्च, उवहिं पडुच्च । एवं रइयाणं जाव वेमाणियाणं ॥
६. एवं माणेण वि मायाए वि लोभेण वि । एवं एते वि चत्तारि दंडगा ॥ कसायपमेय-पदं
____७. कतिविहे णं भंते ! कोहे पण्णत्ते ? गोयमा ! चउबिहे कोहे पण्णत्ते, तं जहाअणंताणुबंधी कोहे अप्पच्चखाणे कोहे पच्चक्खाणावरणे कोहे संजलणे कोहे । एवं णेरइयाणं जाव वेमाणियाणं॥
८. एवं माणणं मायाए लोभेणं । एए वि चत्तारि दंडगा' ।।
६. कतिविहे णं भंते ! कोहे पण्णत्ते ? गोयमा ! चउविहे कोहे पण्णत्ते, तं जहाआभोगणिव्वत्तिए अणाभोगणिव्वत्तिए उवसंते अणुवसंते । एवंणेरइयाणं जाव वेमाणियाणं ॥
३. दंडगा भाणियव्वा (ग)।
१. णेरइयादीणं (पु)। २. कतिविहेणं (क,ख,ग)।
१८७
Jain Education International
For Private & Personal Use Only
www.jainelibrary.org
