Page Text
________________
१८०
पण्णवणासुतं उस्सप्पिणि-ओसप्पिणीहि अवहीरंति कालओ, खेत्तओ असंखेज्जाओ सेढीओ पयरस्स असंखेज्जतिभागो । तत्थ णं जेते मुक्केल्लगा ते णं अणंता, अणंताहिं उस्सप्पिणिओसप्पिणीहिं अवहीरंति कालओ, जहा ओरालियस्स मुक्केल्लया तहेव वेउव्वियस्स वि भाणियव्वा ।।
६. केवतिया णं भंते ! आहारगसरीरया पण्णत्ता? गोयमा ! दुविहा पण्णता, तं जहा-बद्धेल्लगा य मुक्केल्लगा य । तत्थ णं जेते बद्धेल्लगा ते णं सिय अत्थि सिय णत्थि । जति अत्थि जहण्णणं एक्को वा दो वा तिण्णि वा, उक्कोसेणं सहस्सपुहत्तं' । तत्थ णं जेते मुक्केल्लया ते णं अणंता जहा ओरालियस्स मुक्केल्लया तहा य भाणियव्वा ॥
१०. केवतिया णं भंते ! तेयगसरीरया पण्णत्ता? गोयमा ! दुविहा पण्णत्ता, तं जहा बद्धेल्लगा य मुक्केल्लगा य । तत्थ णं जेते बद्धेल्लगा ते णं अणंता, अणंताहिं उस्सप्पिणि-ओसप्पिणीहिं अवहीरंति कालओ, खेत्तओ अणंता लोगा, दव्वओ सिद्धेहितो अणंतगुणा सव्वजीवाणंतभागूणा। तत्थ णं जेते मुक्केल्लया ते णं अणंता, अणंताहि उस्सप्पिणि-ओसप्पिणीहि अवहीरंति कालओ, खेत्तओ अणंता लोगा, दव्वओ सव्वजीवेहितो अणंतगुणा, जीववग्गस्स अणंतभागो। एवं कम्मगसरीरा वि भाणियव्वा ।। चउवीसदंडएसु बद्ध-मुक्कसरीर-पदं
११. णेरइयाणं भंते ! केवइया ओरालियसरीरा पण्णत्ता? गोयमा ! दुविहा पण्णत्ता, तं जहा-बद्धेल्लगा य मुक्केल्लगा य । तत्थ णं जेते बद्धेल्लगा ते णं णत्थि । तत्थ णं जेते मुक्केल्लगा ते णं अणंता जहा' ओरालियमुक्केल्लगा तहा भाणियव्वा ॥
१२. णेरइयाणं भंते ! केवइया वेउव्वियसरीरा पण्णत्ता ? गोयमा ! दुविहा पण्णत्ता, तं जहा-बद्धेल्लगा य मुक्केल्लगा य । तत्थ णं जेते बद्धेल्लया ते णं असंखेज्जा, असंखेज्जाहिं उस्सप्पिणि-ओसप्पिणीहि अवहीरंति कालओ, खेत्तओ असंखेज्जाओ सेढीओ पतरस्स असंखेज्जतिभागो, तासि णं सेढीणं विक्खंभसूई अंगुलपढमवग्गमूलं वीयवग्गमूलपड़प्पणं', अहव णं अंगुल बितियवग्गमूलघणप्पमाणमेत्ताओ सेढीओ। तत्थ णं जेते मुक्केल्लगा ते णं जहा ओरालियस्स मुक्केल्लगा तहा भाणियव्वा ।।
१३. णेरइयाणं भंते ! केवतिया आहारगसरीरा पण्णत्ता ? गोयमा ! दुविहा पण्णत्ता, तं जहा-बद्धेल्लगा य मुक्केल्लगा य। एवं जहा ओरालिया बद्धेल्लगा य मुक्केल्लगा य भणिया तहेव आहारगा वि भाणियव्वा ।
१४. तेया-कम्मगाइं जहा एतेसिं चेव वेउव्वियाई॥
१५. असुरकुमाराणं भंते ! केवतिया ओरालियसरीरा पण्णत्ता ? गोयमा ! जहाँ णेरइयाणं ओरालिया' भणिया तहेव एतेसि पि भाणियव्वा ।
१६. असुरकुमाराणं भंते ! केवतिया वेउव्वियसरीरा पण्णत्ता ? गोयमा ! दुविहा पण्णत्ता, तं जहा-बद्धेल्लगा य मुक्केल्लगाय। तत्थ णं जेते बद्धेल्लगा ते णं असंखेज्जा.
१. °पुहुत्तं (क,ख,ग,ग)। २. प० १२७) ३. बितीयव° (क)।
४. प० १२।११। ५. ओरालियसरीरा (क)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |