Page Text
________________
एक्कारसमं भासापयं
१७७ अट्टियाइं गेण्हंति ? गोयमा ! एवं चेव पुहत्तेण' वि णेयव्वं जाव वेमाणिया ।
८२. जीवे णं भंते ! जाइं दव्वाइं सच्चभासत्ताए गेण्हति ताइं किं ठियाइं गेण्हति ? अट्ठियाइं गेण्हति ? गोयमा ! जहा ओहियदंडओ तहा एसो वि, नवरं--विगलेंदिया ण पुच्छिज्जंति । एवं मोसमासाए वि सच्चामोसभासाए वि ॥
८३. असच्चामोसभासाए वि एवं चेव, नवरं- असच्चामोसभासाए विगलिंदिया वि पुच्छिज्जति इमेणं अभिलावेणं-विलिदिए णं भंते ! जाइं दव्वाइं असच्चामोसभासत्ताए गेण्हति ताइं किं ठियाइं गेण्हति ? अट्ठियाइं गेण्हति ? गोयमा ! जहा' ओहियदंडओ। एवं एते एगत्त-पूहत्तण' दस दंडगा भाणियव्वा ।
८४. जीवे णं भंते ! जाइं दव्वाइं सच्चभासत्ताए गेण्हति ताई कि सच्चभासत्ताए णिसिरति ? मोसभासत्ताए णिसिरति ? सच्चामोसभासत्ताए णिसिरति ? असच्चामोसभासत्ताए णिसिरति ? गोयमा ! सच्चभासत्ताए णिसिरति, णो मोसभासत्ताए णिसिरति, णो सच्चामोसभासत्ताए णिसिरति, णो असच्चामोसभासत्ताए णि सिरति । एवं एगिदियविगलिंदियवज्जो दंडओ जाव वेमाणिए । एवं पुहत्तेण' वि॥
८५. जीवे णं भंते ! जाइं दव्वाइं मोसभासत्ताए गेण्हति ताई कि सच्चभासत्ताए णिसिरति ? मोसभासत्ताए णिसिरति ? सच्चामोसभासत्ताए णिसिरति ? असच्चामोसभासत्ताए णिसिरति ? गोयमा ! णो सच्चभासत्ताए णिसिरति, मोसभासत्ताए णिसिरति, णो सच्चामोसभात्ताए णिसिरति, णो असच्चामोसभासत्ताए णिसिरति। एवं सच्चामोसभासत्ताए वि । असच्चामोसभासत्ताए वि एवं चेव, णवरं-असच्चामोसभासत्ताए विगलिंदिया तहेव पुच्छिज्जति । जाए चेव गेण्हति ताए चेव णिसिरति । एवं एते एगत्तपुहत्तिया' अट्ठ दंडगा भाणियव्वा ॥ सोलसविहवयण-पदं
८६. कतिविहे णं भंते ! वयणे पण्णत्ते ? गोयमा ! सोलसविहे वयणे पण्णत्ते, तं जहा-एगवयणे दुवयणे बहुवयणे इत्थिवयणे पुमवयणे णपुंसगवयणे अज्झत्थवयणे उवणीयवयणे अवणीयवयणे उवणीयअवणीयवयणे अवणीयउवणीयवयणे तीतवयणे पडुप्पन्नवयणे अणागयवयणे पच्चक्खवयणे परोक्खवयणे ॥
८७. इच्चेयं भंते ! एगवयणं वा जाव परोक्खवयणं वा वयमाणे पण्णवणी णं एसा भासा ? ण एसा भासा मोसा ? हंता गोयमा ! इच्चेयं एगवयणं वा जाव परोक्खवयणं वा वयमाणे पण्णवणी णं एसा भासा, ण एसा भासा मोसा॥
८८. कति णं भंते ! भासज्जाया पण्णत्ता ? गोयमा! चत्तारि भासज्जाया पण्णत्ता, तं जहा-सच्चमेगं भासज्जायं बितियं मोसं भासज्जायं ततियं सच्चामोसं भासज्जायं
१. बहुत्तेण (घ); पुहुत्तेण (पु)।
६. पुहुत्तेण (क,ख,ग,घ)। २. प० ११।४७-७६ ।
७. पुहुत्तिया (ख,ग); पोहित्तिया (ग)। ३.५० १११४७-७६ ।
८. बीयं (क,ग)। ४. पुहुत्तेण (क,घ)।
६. भासजायं (ग)। ५. णिस्सरति (ख); णिस्सिरति (ग); निसरति (घ)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |