Page Text
________________
पण्णवणासुत्तं
पढमो ततिओ सत्तम, नव दस एक्कार बार तेरसमो। तेवीस चउव्वीसो, पणुवीसइमो य पंचमए ॥३॥ बि चउत्थ पंच छळं, पण्णर' सोलं च सत्तरट्ठारं । वीसेक्कवीस बावीसगं च वज्जेज्ज छट्टम्मि ॥४॥ वि चउत्थ पंच छठें, पण्णर सोलं च सत्तरद्वारं । वावीसइमविहणा, सत्तपदेसम्मि खंधम्मि ॥५॥ बि चउत्थ पंच छठें, पण्णर सोलं च सत्तरद्वारं ।
'एते वज्जिय भंगा, सेसा सेसेसु खंधेसु" ॥६॥ संठाणाणं चरिमाइविभाग-पदं
१५. कति णं भंते ! संठाणा पण्णत्ता ? गोयमा ! पंच संठाणा पण्णत्ता, तं जहापरिमंडले वट्टे तंसे चउरसे आयते ॥
१६. परिमंडला णं भंते ! संठाणा किं संखेज्जा असंखेज्जा अणंता ? गोयमा! नो संखेज्जा, नो असंखेज्जा, अणंता । एवं जाव आयता ॥
१७. परिमंडले णं भंते ! संठाणे किं संखेज्जपएसिए असंखेज्जपएसिए अणंतपएसिए ? गोयमा ! सिय संखेज्जपएसिए सिय असंखेज्जपदेसिए सिय अणंतपदेसिए। एवं जाव आयते॥
१८. परिमंडले णं भंते ! संठाणे संखेज्जपदेसिए किं संखेज्जपदेसोगाढे असंखेज्जपएसोगाढे अणंतपएसोगाढे ? गोयमा ! संखेज्जपएसोगाढे, नो असंखेज्जपएसोगाढे नो अणंतपएसोगाढे । एवं जाव आयते ।।
१६. परिमंडले णं भंते ! संठाणे असंखेज्जपदेसिए किं संखेज्जपदेसोगाढे असंखेज्जपदेसोगाढे अणंतपएसोगाढे ? गोयमा ! सिय संखेज्जपएसोगाढे सिय असंखेज्जपदेसोगाढे, णो अणंतपदेसोगाढे । एवं जाव आयते ॥
२०. परिमंडले णं भंते ! संठाणे अणंतपएसिए कि संखेज्जपएसोगाढे असंखेज्जपएसोगाढे अणंतपएसोगाढे ? गोयमा ! सिय संखेज्जपएसोगाढे सिय असंखेज्जपएसोगाढे, नो अणंतपएसोगाढे । एवं जाव आयते ॥
२१. परिमंडले णं भंते ! संठाणे संखेज्जपदेसिए संखेज्जपएसोगाढे किं चरिमे अचरिमे चरिमाइं अचरिमाइं चरिमंतपदेसा अचरिमंतपदेसा? गोयमा ! परिमंडले णं संठाणे संखेज्जपदेसिए संखेज्जपदेसोगाढे नो चरिमे नो अचरिमे नो चरिमाइं नो अचरिमाइंनो चरिमंतपदेसा नो अचरिमंतपएसा, नियमा अचरिमं च चरिमाणि य चरिमंतपदेसा य अचरिमंतपदेसा य । एवं जाव आयते ॥
२२. परिमंडले णं भंते ! संठाणे असंखेज्जपएसिए संखेज्जपदेसोगाढे किं चरिमे पुच्छा । गोयमा ! असंखेज्जपएसिए संखेज्जपएसोगाढे जहा' संखेज्जपएसिए। एवं जाव आयते ॥
१. पण्णरस (क); पण्णा (ख); पणर (घ)। २. अन्ये त्वेवमूत्तरार्द्ध पठन्ति--एए वज्जियभंगा,
तेण परमवट्ठिया सेसा (वृ)। ३.५० १०१२१ ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |