________________
१५६
२४. वाणमंतर - जोइसिय-वेमाणियाणं जहा नेरइयाणं ||
२५. एतेसि णं भंते ! जीवाणं संवुडजोणियाणं वियडजोणियाणं संवुडवियडजोणियाणं अजोणियाण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा संवुडवियडजोणिया, वियडजोणिया असंखेज्जगुणा, अजोणिया अतगुणा, संवुडजोणिया अनंतगुणा || कुम्मुण्णयाइजोणि-पदं
२६. कतिविहा णं भंते ! जोणी पण्णत्ता ? गोयमा ! तिविहा जोणी पण्णत्ता, तं जहा – कुम्मुण्णया, संखावत्ता, वंसीपत्ता | कुम्मुण्णया णं जोणी उत्तमपुरिसमाऊणं । कुम्मुण्णयाए णं जोणी उत्तमपुरिसा गब्भे वक्कमंति, तं जहा -अरहंता चक्कवट्टी बलदेवा वासुदेवा । संखावत्ता णं जोणी इत्थिरयणस्स । संखावत्ताए णं जोणीए बहवे जीवा य पोग्गला य वक्कमति विउक्कमंति चयंति उवचयंति, नो चेव णं निप्फज्जंति । वंसीपत्ता जोणी पिहुजणस्स | वंसीपत्ताए णं जोणीए पिहुजणा' गब्भे वक्कमंति ॥
१. पहुजणे ( ख, ग, घ ) ।
Jain Education International
पण्णवणासुत्तं
For Private & Personal Use Only
www.jainelibrary.org
