________________
अट्ठमं सण्णापयं
सण्णाभेय-पदं
१. कति णं भंते ! सण्णाओ पण्णत्ताओ ? गोयमा ! दस सण्णाओ पण्णत्ताओ, तं जहा-आहारसण्णा, भयसण्णा, मेहुणसण्णा, परिग्गहसण्णा, कोहसण्णा, माणसण्णा, मायासण्णा, लोभसण्णा लोगसण्णा, ओघसण्णा ।। नेरझ्याईणं सण्णा-पदं
२. नेर इयाणं भंते ! कति सण्णाओ पण्णत्ताओ ? गोयमा ! दस सण्णाओ पण्णत्ताओ, तं जहा--आहारसण्ण , भयसपणा, मेहुणसण्णा, परिग्गहसण्णा, कोहसण्णा, माणसण्णा, मायासण्णा, लोभसण्णा, लोगसण्णा, ओघसण्णा ।।
३. असुरकुमाराणं भंते ! कति सण्णाओ पण्णत्ताओ? गोयमा ! दस सण्णाओ पण्णत्ताओ, तं जहा-आहारसण्णा जाव ओघसण्णा। एवं जाव थणियकुमाराणं । एवं पढविकाइयाणं वेमाणियावसाणाणं णेयव्वं ।। नेरइयाणं सण्णावियार-पदं
४. नेरइया णं भंते ! किं आहारसण्णोवउत्ता भयसण्णोवउत्ता मेहुणसण्णोवउत्ता परिग्गहसण्णोवउत्ता ? गोयमा ! ओसण्णकारणं' पडुच्च भयसण्णोवउत्ता, संतइभावं पडच्च आहारसण्णोवउत्ता वि जाव परिग्गहसण्णोवउत्ता वि ।।
५. एतेसि णं भंते ! नेरइयाणं आहारसण्णोव उत्ताणं भयसण्णोव उत्ताणं मेहणसण्णोवउत्ताणं परिग्गहसण्णोवउत्ताण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा नेरइया मेहुणसण्णोवउत्ता, आहारसण्णोवउत्ता संखेज्जगुणा, परिग्गहसण्णोवउत्ता संखज्जगुणा, भयसण्णोवउत्ता संखज्जगुणा ।। तिरिक्खजोणियाणं सण्णावियार-पदं
६. तिरिक्खजोणिया णं भंते ! किं आहारसण्णोवउत्ता जाव परिग्गहसण्णोव उत्ता? गोयमा ! ओसण्णकारणं पडुच्च आहारसण्णोवउत्ता, संतइभावं पडुच्च आहारसण्णोवउत्ता वि जाव परिग्गहसण्णोवउत्ता वि ।।
७. एतेसि णं भंते ! तिरिक्खजोणियाणं आहारसण्णोवउत्ताणं जाव परिग्गहसण्णोवउत्ताण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! १. ओसण्णं कारण (ग) सर्वत्र ।
१५२
Jain Education International
For Private & Personal Use Only
www.jainelibrary.org
