________________
सत्तमं उस्सासपयं
चउवीसदंडएसु उस्सासविरहकाल-पदं
१. नेरइया णं भंते ! केवतिकालस्स आणमंति वा पाणमंति वा ऊससंति वा नीससंति वा ? गोयमा ! सततं संतयामेव आणमंति वा पाणमंति वा ऊससंति वा नीससंति वा ।।
२. असुरकुमारा णं भंते ! केवतिकालस्स आणमंति वा पाणमंति वा ऊससंति वा नीससंति वा ? गोयमा ! जहण्णणं सत्तण्डं थोवाणं, उक्कोसेणं सातिरेगस्स पक्खस्स आणमंति वा जाव नीससंति वा ।।
३. णागकुमारा णं भंते ! केवतिकालस्स आणमंति वा पाणमंति वा ऊससंति वा नीससंति वा ? गोयमा ! जहणणेणं सत्तण्हं थोवाणं, उक्कोसेणं मुहत्तपुहत्तस्स'। एवं जाव थणियकुमाराणं ॥
४. पुढविकाइया णं भंते ! केवतिकालस्स आणमंति वा पाणमंति वा जाव नीससंति वा ? गोयमा ! वेमायाए आणमंति वा जाव नीससंति वा । एवं जाव मणुस्सा॥
५. वाणमंतरा जहा णागकुमारा॥
६. जोइसिया णं भंते ! केवतिकालस्स आणमंति वा पाणमंति वा जाव नीससंति वा ? गोयमा ! जहण्णेणं मुहुत्तपुहत्तस्स, उक्कोसेण वि मुहुत्तपुहत्तस्स जाव नीससंति वा ।।
७. वेमाणिया णं भंते ! केवतिकालस्स आणमंति वा जाव नीससंति वा? गोयमा ! जहण्णेणं मुहत्तपुहत्तस्स, उक्कोसेणं तेत्तीसाए पक्खाणं जाव नीससंति वा ।।
८. सोहम्मगदेवा णं भंते ! केवतिकालस्स आणमंति वा जाव नीससंति वा ? गोयमा ! जहण्णणं मुहुत्तपुहत्तस्स, उक्कोसेणं दोण्हं पक्खाणं जाव नीससंति वा ।।
६. ईसाणगदेवा णं भंते ! केवइकालस्स आणमंति वा जाव नीससंति वा ? गोयमा ! जहण्णेणं सातिरगेस्स मुहत्तपुहत्तस्स, उक्कोसेणं सातिरेगाणं दोण्हं पक्खाणं जाव नीससंति वा॥
१०. सणंकुमारदेवा णं भंते ! केवतिकालस्स आणमंति वा जाव नीससंति वा ? गोयमा ! जहण्णेणं दोण्हं पक्खाणं जाव नीससंति वा, उक्कोसेणं सत्तण्हं पक्खाणं जाव नीससंति वा ॥
११. माहिंदगदेवाणं भंते ! केवतिकालस्स आणमंति वा जाव नीससंति वा ? गोयमा !
१. °पुहुत्तस्स (क,ग); पुहुत्त (ख,घ)।
१४६
Jain Education International
For Private & Personal Use Only
www.jainelibrary.org
