Page Text
________________
१२४
पण्णवणासुत्तं
१२०. एवं केवलदसणी वि मणुस्से भाणियव्वे ।। ओगाहणाई पडुच्च वाणमंतराईणं पज्जव-पदं
१२१. वाणमंतरा जहा असुरकुमारा ॥
१२२. एवं जोइसिया वेमाणिया, नवरं-सट्ठाणे ठितीए तिट्ठाणवडिते भाणितव्वे । से तं जीवपज्जवा ।। अजीवपज्जव-पदं
१२३. अजीवपज्जवा णं भंते ! कतिविहा पण्णत्ता ? गोयमा ! दुविहा पण्णत्ता, तं जहा-रूविअजीवपज्जवा य अरूविअजीवपज्जवा य।
४ अरूविअजीवपज्जवा णं भंते ! कतिविहा पण्णत्ता? गोयमा ! दसविदा पण्णत्ता, तं जहा-धम्मत्थिकाए, धम्मत्थिकायस्स देसे, धम्मत्थिकायस्स पदेसा, अधम्मत्थिकाए, अधम्मत्थिकायस्स देसे, अधम्मत्थिकायस्स पदेसा, आगासत्थिकाए, आगासत्थिकायस्स देसे, आगासत्थिकायस्स पदेसा, अद्धासमए॥
१२५. रूविअजीवपज्जवा णं भंते ! कति विहा पण्णत्ता ? गोयमा ! चउविहा' पण्णत्ता, तं जहा-खंधा खंधदेसा खंधपदेसा परमाणुपोग्गले ॥
१२६. ते णं भंते ! कि संखेज्जा असंखेज्जा अणंता ? गोयमा ! नो संखेज्जा, नो असंखेज्जा, अणंता॥
१२७. से केणठेणं भंते ! एवं वुच्चति-नो संखेज्जा, नो असंखेज्जा, अणंता ? गोयमा ! अणंता परमाणुपोग्गला, अणंता दुपदेसिया खंधा जाव अणंता दसपदेसिया खंधा, अणंता संखेज्जपदेसिया खंधा, अणंता असंखेज्जपदेसिया खंधा, अणंता अणंतपदेसिया भा से तेणटठेणं गोयमा ! एवं वच्चति ते णं नो संखज्जा, नो असंखेज्जा अणंता ।।
१२८. परमाणपोग्गलाणं भंते ! केवतिया पज्जवा पण्णत्ता ? गोयमा ! परमाणपोग्गलाणं अणंता पज्जवा पण्णत्ता ।
१२६. से केणठेणं भंते ! एवं वुच्चति--परमाणुपोग्गलाणं अणंता पज्जवा पण्णत्ता ? गोयमा ! परमाणुपोग्गले परमाणुपोग्गलस्स दव्वट्ठयाए तुल्ले । पदेसट्टयाते तुल्ले । ओगाहणट्टयाए तुल्ले । ठितीए सिय हीणे सिय तुल्ले सिय अब्भहिए –जदि होणे असंखेज्जभागहीणे वा संखेज्जभागहीणे वा संखेज्जगुणहीणे वा असंखेज्जगुणहीणे वा । अह अब्भहिए असंखेज्जभागमब्भहिए वा संखेज्जभागमब्भहिए वा संखेज्जगुणमब्भहिए वा असंखेज्जगुणमन्भहिए वा । कालवण्णपज्जवेहि सिय हीणे सिय तुल्ले सिय अब्भहिए -जदि हीणे अणंतभागहीणे वा असंखेज्जभागहीणे वा संखेज्जभागहीणे वा संखेज्जगुणहीणे वा असंखेज्जगुणहीणे वा अणंतगुणहीणे वा । अह अब्भहिए अणंतभागमब्भहिए वा असंखेज्जभागमब्भहिए वा संखेज्जभागमब्भहिए वा संखेज्जगुणमब्भहिए वा असंखेज्जगुणमब्भहिए वा अणंतगुणमन्भहिए वा । एवं अवसेसवण्ण-गंध-रस-फासपज्जवेहिं छट्ठाणवडिते । फासा णं सीय-उसिणनिद्ध-लुक्खेहिं छद्राणवडिते।से तेणठेणं गोयमा ! एवं बच्चति--परमाणपोग्गलाणं अणंता
१. चउविहा (क)। २. असौ पाठः ‘फासपज्जवेहि छट्ठाणवडिते' इति
पूर्ववर्तिपाठस्य व्याख्यारूपो दृश्यते । 'फासा' इति प्रथमान्तं पदम्, अस्य 'लुखेहि' इति
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |