Page Text
________________
पंचमं विसेसपयं
११३
संखेज्जगुणमब्भहिए वा असंखेज्जगुणमब्भहिए वा। ठिईए सिय हीणे सिय तुल्ले सिय अब्भहिए-जइ हीणे असंखेज्जभागहीणे वा संखेज्जभागहीणे वा संखेज्ज गुणहीणे वा असंखेज्जगुणहीणे वा । अह अब्भहिए असंखेज्जभागमब्भहिए वा संखेज्जभागमब्भहिए वा संखेज्जगुणमब्भहिए वा असंखेज्जगुणमब्भहिए वा । कालवण्णपज्जवेहिं सिय हीणे सिय तुल्ले सिय अब्भहिए'--जदि होणे अणंतभागहीणे वा असंखेज्जभागहीणे वा संखेज्जभागहीणे वा संखेज्जगुणहीणे वा असंखेज्जगुणहीणे वा अणंतगुणहीणे वा । अह अब्भहिए अणंतभागमब्भहिए वा असंखेज्जभागमब्भहिए वा संखेज्जभागमब्भहिए वा संखेज्जगुणमन्भहिए वा असंखेज्जगुणम्भहिए वा अणंतगुणमब्भहिए वा। णीलवण्णपज्जवेहिं लोहियवण्णपज्जवेहि हालिद्दवण्णपज्जवेहिं' सुक्किलवण्णपज्जवेहि य छट्ठाणवडिए । सुब्भिगंधपज्जवेहि दुब्भिगंधपज्जवेहि य छट्ठाणवडिए । तित्तरसपज्जवेहिं कडुयरसपज्जवेहिं कसायरसपज्जवेहि अंबिलरसपज्जवेहिं महुररसपज्जवेहि य छट्ठाणवडिए । कक्खडफासपज्जवेहिं मउयफासपज्जवेहि गरुयफासपज्जवेहिं लहुयफासपज्जवेहिं सीयफासपज्जवेहिं उसिणफासपज्जवेहिं निद्धफासपज्जवेहिं लुक्खफासपज्जवेहिं य छट्ठाणवडिए। आभिणिवोहियणाणपज्जवेहि सुयणाणपज्जवेहिं ओहिणाणपज्जवेहिं मतिअण्णाणपज्जवेहि सुयअण्णाणपज्जवेहि विभंगणाणपज्जवेहिं चक्खुदंसणपज्जवेहिं अचक्खुदंसणपज्जवेहिं ओहिदसणपज्जवेहि य छट्ठाणवडिते। से एएणठेणं' गोयमा ! एवं वुच्चति-नेरइयाणं नो संखेज्जा, नो असंखेज्जा, अणंता पज्जवा पण्णत्ता ।। भवणवासीणं पज्जव-पदं
६. असुरकुमाराणं भंते ! केवतिया पज्जवा पण्णता ? गोयमा ! अणंता पज्जवा पण्णत्ता॥
७. से केणठेणं भंते ! एवं वुच्चइ-असुरकुमाराणं अणंता पज्जवा पण्णत्ता ? गोयमा ! असुरकुमारे असुरकुमारस्स दव्वट्ठयाए तुल्ले । पदेसट्टयाए तुल्ले । ओगाहणट्ठयाए चउट्ठाणवडिए । ठितीए चउट्ठाणवडिए'। कालवण्णपज्जवेहिं छट्ठाणवडिए । एवं णीलवण्णपज्जवेहि लोहियवण्णपज्जवेहिं हालिढवण्णपज्जवेहिं सुक्किलवण्णपज्जवेहि', सुब्भिगंधपज्जवेहि दुब्भिगंधपज्जवेहिं, तित्तरसपज्जवेहि कडुयरसपज्जवेहिं कसायरसपज्जवेहि अंबिलरसपज्जवेहि महुररसपज्जवेहि, कवखडफासपज्जवेहि मउयफासपज्जवेहि गरुयफासपज्जवेहि लहुयफासपज्जवेहि सीतफासपज्जवेहि उसिणफासपज्जवेहि निद्धफासपज्जवेहि लुक्खफासपज्जवेहि, आभिणिबोहियणाणपज्जवेहि सुतणाणपज्जवेहि ओहिणाणपज्जवेहि, मतिअण्णाणपज्जवेहि सुतअण्णाणपज्जवेहिं विभंगणाणपज्जवेहि, चक्खुदंसणपज्जवेहि अचक्खुदंसणपज्जवेहि ओहिदसणपज्जवेहि य छट्ठाणवडिते। से तेणठेणं गोयमा ! एवं वुच्चति-असुरकुमाराणं अणंता पज्जवा पण्णत्ता॥
१. मब्भहिए (ख,घ,पु)। २. अब्भइए (क); अब्भतिए (पु) । ३. पीयवण्ण (क,ख) । ४. मधुर° (क,ख)।
५. एणडेणं (क,ख,ग)। ६. °पडिए (क)। ७. सुक्किल्ल° (ग,पु)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |