Page Text
________________
१६
अंत ॥
४३. नागकुमाराणं भंते! देवाणं केवतियं कालं ठिती पण्णत्ता ? गोयमा ! जहणणं दस वाससहस्साईं, उक्कोसेणं दो पलिओवमाई देसूणाई ॥
पण्णवणासुतं
४४. अपज्जत्तयाणं भंते! नागकुमाराणं देवाणं केवतियं कालं ठिती पण्णत्ता ? गोयमा ! जहणेण वि अंतोमुहुत्तं, उक्कोसेण वि अंतोमुहुत्तं ॥
४५. पज्जत्तयाणं भंते ! नागकुमाराणं देवाणं केवतियं कालं ठिती पण्णत्ता ? गोयमा ! जहणेणं दस वाससहस्साइं अंतोमुहुत्तूणाई, उक्कोसेणं दो पलिओवमाई देसूणाई
तू ॥
४६. नागकुमारीणं भंते ! देवीणं केवतियं कालं ठिती पण्णत्ता ? गोयमा ! जहणणेणं दस वाससहस्सा इं, उक्कोसेणं देणं पलिओवमं ॥
४७. अपज्जत्तियाणं नागकुमारीणं भंते! देवीणं केवतियं कालं ठिती पण्णत्ता ? गोयमा ! जहणेण वि अंतोमुहुत्तं, उक्कोसेण वि अंतोमुहुत्तं ॥
४८. पज्जत्तियाणं नागकुमारीणं भंते! देवीणं केवतियं कालं ठिती पण्णत्ता ? गोयमा ! जहणणं दस वाससहस्साई अंतोमुहुत्तूणाई, उक्कोसेणं देणं पलिओ मं अंतमुत्तू ॥
४६. सुवण्णकुमाराणं भंते! देवाणं केवतियं कालं ठिती पण्णत्ता ? गोयमा ! जहणणं दस वाससहस्साइं, उक्कोसेणं दो पलिओवमाई देसूणाई ||
५०. अपज्जत्तयाणं पुच्छा । गोयमा ! जहणेण वि उक्कोसेण वि अंतोमुहुत्तं ॥ ५१. पज्जत्तयाणं पुच्छा । गोयमा ! जहणेणं दस वाससहस्साइं अंतोमुहुत्तूणाई, उक्कोसेणं दो पलिओ माई देसूणाई अंतोमुहुत्तूणाई ||
५२. सुवण्णकुमारीणं भंते ! देवीणं पुच्छा । गोयमा ! जहणेणं दस वाससह स्साई, उक्कोसेणं देणं पलिओवमं ॥
५३. अपज्जत्तियाणं पुच्छा । गोयमा ! जहणेण वि उक्कोसेण वि अंतोमुहुत्तं ॥ ५४. पज्जत्तियाणं पुच्छा । गोयमा ! जहण्णेणं दस वाससहस्साई अंतोमुहुत्तूणाई, उक्कोसेणं देणं पलिओवमं अंतोमुहुत्तूणं ॥
५५. एवं एएणं अभिलावेणं ओहिय अपज्जत्त - पज्जत्तसुत्तत्तयं देवाणं देवीण य णेयव्वं जाव थणियकुमाराणं जहा ' नागकुमाराणं ॥ frano-पदं
५६. पुढविकाइयाणं भंते ! केवतियं कालं ठिती पण्णत्ता ? गोयमा ! जहणेणं अंतोमुहुत्तं, उक्कोसेणं वावीसं वाससहस्साई ||
५७. अपज्जत्तयपुढ विकाइयाणं भंते! केवतियं कालं ठिती पण्णत्ता ? गोयमा ! जहणेण वि उक्कोसेण वि अंतोमुहुत्तं ॥
५८. पज्जत्तयपुढविकाइयाणं भंते ! केवतियं कालं ठिती पण्णत्ता ? गोयमा ! जहण्णेणं अंतोमुहुत्तं, उक्कोसेणं बावीसं वाससहस्साई अंतोमुहुत्तूणाई ||
१. प० ४।४३-४८ ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |