Page Text
________________
तइयं बहुवत्तव्वयपयं नोसुहुम-नोबादरा, बादरा अणंतगुणा, सुहुमा असंखेज्जगुणा ॥ सण्णि -पदं
११२. एतेसि णं भंते ! जीवाणं सण्णीणं असण्णीणं नोसण्णी-नोअसण्णीण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा सण्णी, नोसण्णी-णोअसण्णी अणंतगुणा, असण्णी अणंतगुणा ।। भव-पदं
११३. एतेसि णं भंते ! जीवाणं भवसिद्धियाणं अभव सिद्धियाणं नोभवसिद्धियणोअभवसिद्धियाण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा अभवसिद्धिया, नोभवसिद्धिय-णोअभवसिद्धिया अणंतगुणा, भवसिद्धिया अणंतगुणा ॥ अस्थिकाय-पदं
११४. एतेसि णं भंते ! धम्मत्थिकाय-अधम्मत्थिकाय-आगासत्थिकाय-जीवत्थिकायपोग्गलत्थिकाय'-अद्धासमयाणं दव्वट्ठयाए कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! धम्मत्थिकाए अधम्मत्थिकाए आगासत्थिकाए य एए तिण्णि वि तुल्ला दव्वट्ठयाए सव्वत्थोवा, जीवत्थिकाए दव्वट्ठयाए अणंतगुणे, पोग्गलत्थिकाए दव्वट्ठयाए अणंतगुणे', अद्धासमए दव्वट्ठयाए अणंतगुणे ॥
११५. एतेसि णं भंते ! धम्मत्थिकाय-अधम्मत्थिकाय-आगासत्थिकाय-जीवत्थिकायपोग्गलत्थिकाय-अद्धासमयाणं पदेसट्ठयाए कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! धम्मत्थिकाए अधम्मत्थिकाए य एते णं दो वि तुल्ला पदेस?याए सव्वत्थोवा, जीवत्थिकाए पदेसट्टयाए अणंतगुणे, पोग्गलत्थिकाए पदेसट्टयाए अणंतगुणे, अद्धासमए पदेसट्टयाए अणंतगुणे, आगासत्थिकाए पदेसट्टयाए अणंतगुणे ॥
११६. एतस्स णं भंते ! धम्मत्थिकायस्स दव्वट्ठ-पदेसट्टयाए कतरे कतरेहितो अप्पा वा बहुया वा तुल्ला वा विसेसाहिया वा? गोयमा ! सव्वत्थोवे एगे धम्मत्थिकाए दव्वट्ठताए, से चेव पदेसट्ठताए असंखेज्जगुणे ॥
११७. एतस्स णं भंते ! अधम्मत्थिकायस्स दव्वट्ठ-पदेसट्ठताए कतरे कतरेहितो अप्पा वा बहुया वा तुल्ला वा विसेसाहिया वा? गोयमा ! सव्वत्थोवे एगे अधम्मत्थिकाए दव्वट्ठताए, से चेव पदेसट्ठताए असंखेज्जगुणे ॥
११८. एतस्स णं भंते ! आगासत्थिकायस्स दव्वट्ठ-पदेसट्ठताए कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवे एगे आगासत्थिकाए दव्वट्ठताए, से चेव पदेसट्टताए अणंतगुणे ॥
११६. एतस्स णं भंते ! जीवत्थिकायस्स दव्वट-पदेसटूताए कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवे जीवत्थिकाए दव्वट्ठयाए, से चेव पदेसट्ठताए असंखेज्जगुणे ॥ ___ १२०. एतस्स णं भंते ! पोग्गलत्थिकायस्स दव्वट्ठ-पदेसटुताए कतरे कतरेहितो अप्पा १. पुग्गलत्थि° (क)।
२. अणंतगुणा (क,ख)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |