Page Text
________________
૪૨
बिइयं ठाणपयं
जुतीए दिव्वाए पभाए दिव्वाए छायाए दिव्वाए अच्चीए दिव्वेणं तेएणं दिव्वाए लेसाए दस दिसाओ उज्जोवे माणा पभासेमाणा । ते णं तत्थ साणं- साणं भवणावाससय सहस्साणं साणं- साणं सामाणियसाहस्सीणं साणं - साणं तावत्तीसाणं साणं - साणं लोगपालाणं साणं- साणं अग्गमहिसी साणं- साणं परिमाणं साणं- साणं अणियाणं साणं- साणं अणियाहिवतीणं साणं- साणं आयरक्खदेवसाहस्सीणं अण्णेसि च बहूणं भवणवासीणं देवाण य देवीण य आहेवच्च पोरेवच्चं सामित्तं भट्टित्तं महत्तरगत्तं आणाईसरसेणावच्च कारेमाणा पालेमाणा महताहतनट्ट-गीत-वाइत - तंती- तल-ताल-तुडिय- घण-मुइंगपडुप्पवाइयरवेण दिव्वाइं भोगभोगाई माण विहरति ।
३१. कहिणं भंते! असुरकुमाराणं देवाणं पज्जत्तापज्जत्ताणं ठाणा पण्णत्ता ? कहि णं भंते! असुरकुमारा देवा परिवसंति ? गोयमा ! इमीसे रयणप्पभाए पुढवीए असीउत्तरजोयणसतसहस्सबाहल्लाए उवरि एगं जोयणसहस्सं ओगाहित्ता हेट्ठा वेगं जोयणसहस् वज्जेत्ता मज्झे अट्टहत्तरे जोयणसतसहस्से, एत्थ णं असुरकुमाराणं देवाणं चोर्वाट्ठि भवणावाससतसहस्सा हवंतीति मक्खायं । ते णं भवणा बाहि वट्टा अंतो चउरंसा अहे पुक्खरकण्णियासंठाणसंठिता उक्किण्णंतर विउलगंभीरखाय परिहा पागारट्टालय-कवाड-तोरणपडिदुवारदेसभागा जंतसयग्धि-मुसल-मुसुंढिपरिवारिया अओझा ' सदाजया सदागुत्ता अडयालको गरइया अडयालकयवणमाला खेमा सिवा किकरामरदंडोवरक्खिया लाउल्लोइमहिया गोसीस - सरसरत्तचं दणदद्ददिण्णपंचं गुलितला उवचितवंदणकलसा वंदणघडसुकयतोरणपडिदुवारदेसभागा आसत्तोसत्तविउलवट्टवग्घारियमल्लदामकलावा पंचवण्णसरससुरभिमुक्कपुप्फपुंजोवयारकलिया कालागरु- पवरकुंदुरुक्क तुरुक्क धूवमघमघेतगंधुद्धयाभिरामा सुगंध वरगंधगंधिया गंधवट्टिभूता अच्छरगगसंघसंविगिण्णा दिव्वतुडितसद्द संप दिया सव्वरयणामया अच्छा सण्हा लण्हा घट्टा मट्ठा णीरया निम्मला निप्पंका णिक्कंकडच्छाया सप्पभा सस्सिया समिरीया' सउज्जोया पासाईया दरिसणिज्जा अभिरुवा पडिरूवा, एत्थ णं असुरकुमाराणं देवाणं पज्जत्तापज्जत्ताणं ठाणा पण्णत्ता । उववाएणं लोयस्स असंखेज्जइभागे, समुग्धाएणं लोयस्स असंखेज्जइभागे, सट्टाणेणं लोयस्स असंखेज्जइभागे । तत्थ बहवे असुरकुमारा देवा परिवसंति-- काला लोहियक्ख - विवोट्ठा धवलपुष्पदंता असिस वामेयकुंडलधरा" अद्दचंदणाणुलित्तगत्ता, ईसीसिलिधपुप्फपगासाई असंकि लिट्टाई सुहुमाई वत्थाई पवर परिहिया, वयं च पढमं समझक्कंता, बिइयं च असंपत्ता, भद्दे जोवणे वट्टमाणा, तलभंगय-तुडित-पवरभूषण' निम्मलमणि रयणमंडितभुया दस मुद्दामंडियग्गहत्था चूडामणिचित्तविधगता' सुरूवा महिड्ढिया महज्जुइया महायसा महब्बला महाणुभागा"
१. भोगेणं (ख); स्तबके 'दिव्यभोग' इति अर्थो दृश्यते ।
२. तायत्तीसाणं ( ख, ग, घ ) ; तायत्तीसगाणं ( पु ) |
३. महयरगत्तं (पु) ।
४. मुगं (पु) ।
५. अउज्झा (क,ख,ग.) ।
Jain Education International
६. समरीइया (क घ) ।
७. वाम एगकुंडलधरा (क, ख, ग, घ ) । ८. वर° (मवृ) ।
१. चूडामणिविचित्त (क, ख, ग, घ ) । १०. महाणुभावा ( ख ) ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |