Page Text
________________ पन्द्रहवां शतक] [511 बारसाहदिवसे अयमेयारूवं गोण्णं गुणनिप्फन्नं नामधे काहिति-जम्हा णं अम्हं इमंसि दारगंसि जायंसि समाणसि सातदुवारे नगरे सम्भंतर बाहिरिए जाव रयणवासे य वासे बुठे, तं होउ णं अम्हं इमस्स दारगस्स नामधेज्ज 'महापउमे, महापउमे' / "तए णं तस्स दारगस्स प्रमापियरो नामधेज्जं करेहिति 'महापउमो' ति" / "तए णं तं महापउमं दारगं अम्मापियरो सातिरेगट्ठवासजायगं जाणित्ता सोभणंसि तिहिकरण-दिवस-नवखत्तमुहत्तंसि महया महया रायाभिसे गेणं अभिसहिति / से णं तत्थ राया भविस्सइ महता हिमवंत० वण्णओ जाव विहरिस्सति / " "तए णं तस्स महापउमस्स रण्णो अन्नदा कदायि दो देवा महिड्डिया जाव महेसवखा सेणाकम्म काहिति, तं जहा-पुणभद्दे य माणिभद्दे य / तए णं सतदुवारे नगरे बहवे राईसर-तलवर० जाव सत्थवाहपमितयो अन्नमन्नं सद्दावेहिति, अन्न० स० 2 एवं वदिहिति-जम्हा णं देवाणुप्पिया ! अम्हं महापउमस्स रपणो दो देवा महिड्डीया जाव सेणाकम्भ करेंति तं जहा-पुण्णभद्दे य माणिभद्दे य; तं होउ णं देवाणप्पिया! अम्हं महापउमस्स रपणो दोच्चे वि नामधेज्जे 'देवसेणे, देवसेणे' / ' "तए णं तस्स महापउमरस रन्नो दोच्चे वि नामधेजे भविस्सति 'देवसेणे' ति।" "तए णं तस्स देवसेणस्स रण्णो अन्नदा कदायि सेते संखतलविमलसन्निगासे चउहते हस्थिरयणे समुप्पज्जिस्सइ / तए णं से देवसेणे राया तं सेतं संखतलविमलसग्निगासं चउदंतं हस्थिरयणं दुरूढे समाणे सयदुवारं नगरं मज्भमझेणं अभिवखणं अभिवखणं प्रति जाहिति य निज्जाहिति य / तए णं सयदुवारे नगरे बहवे राईसर जाव पमितयो अन्नमग्नं सद्दावेहिति अन्न० स०२ एवं वदिहिति—जम्हा णं देवाणुप्पिया! अम्हं देवसे णस्स रण्णो सेते संखतलविमलसनिगासे चउईते हस्थिरयणे समुष्पन्ने, तं होउ णं देवाणुपिया! अम्हं देवसे णस्स रणो तच्चे वि नामधेज्जे "विमलवाहणे विमलवाहणे।" "तए णं तस्स देवसेणस्स रण्णो तच्चे विनामधेज्जे भविस्सति विमलवाहणे' ति।" तए णं से विमलदाहणे राया अन्नदा कदायि सममेह निग्गंथेहि मिच्छ विप्पडिवज्जिहितिअप्पेगतिए आश्रोसेहिति, अप्पेगतिए अवसिहिति, अप्पेगतिए निच्छोडेहिति, अप्पेगतिए निन्मच्छेहिति, अप्पेतिए बंधेहिति, अपेतिए गिरु भेहिति, अप्पेगतियाणं छविच्छेदं करेहिति, अप्पेगइए मारेहिति, अप्पेगतिए पमारेहिह, अप्पेगतिए उद्दवेहिति, अप्पेगतियाणं वत्थं पडिग्गहं कंबलं पायछणं आछिदिहिति विच्छिदिहिति भिदिहिति अवहरिहिति, अप्पेगतियाणं भत्तपाणं वोच्छिदिहिति, अप्पेगतिए णिन्नगरे करेहिति, अप्पेगतिए निविसए करेहिति / " "तए णं सतद्वारे नगरे बहवे राईसर जाव वििहति-'एवं खलु देवाणुप्पिया ! विमलवाहणे राया समहिं निग्गंथेहि मिच्छ विपडिवाने अप्पेगतिए आपोसति जाव निध्विसए करेति, तं नो खलु देवाणुपिया! एवं अम्हं सेयं, नो खलु एवं विमलवाहणस्स रष्णो सेयं रज्जस्स वा रटूस्स वा Jain Education International For Private & Personal Use Only www.jainelibrary.org
| SR No. | 003473 |
| Book Title | Agam 05 Ang 05 Bhagvati Vyakhya Prajnapti Sutra Stahanakvasi |
| Original Sutra Author | N/A |
| Author | Madhukarmuni |
| Publisher | Agam Prakashan Samiti |
| Publication Year | 1982 |
| Total Pages | 2986 |
| Language | Prakrit, Hindi |
| Classification | Book_Devnagari |
| File Size | 69 MB |