________________
२३२
पाठान्तर
२९१. तम्हा एवं वियाणित्ता दोसं दोग्गइवड्डणं । पुढविकाय-समारंभं जावज्जीवाए + वज्जए ॥ २८॥ २९२. आउकायं न हिंसंति मणसा वयसा कायसा ।
तिविहेण करणजोएण संजया सुसमाहिया ॥ २९॥ २९३. आउकायं विहिंसंतो हिंसई उ तदस्सिए ।
तसे य विविहे पाणे चक्खुसे य अचक्खुसे ॥ ३०॥ २९४. तम्हा एवं वियाणित्ता, दोसं दोग्गइवड्डणं ।
आउकाय-समारंभं जावज्जीवाए वज्जए ॥ ३१ ॥ २९५. जायतेयं न इच्छंति पावगं जलइत्तए ।
तिक्खमन्नयरं सत्थंX सव्वओ वि दुरासयं ॥ ३२॥ २९६. पाईणं पडिणं वा वि उड्डुं अणुदिसामवि ।
अहे दाहिणओ वावि दहे उत्तरओ वि य ॥ ३३ ॥ २९७. भूयाणमेसमाघाओ हव्ववाहो, न संसओ ।
तं पईव - पयावट्टा संजया किंचि नाऽऽरभे ॥ ३४ ॥ २९८. तम्हा एवं वियाणित्ता दोसं दोग्गइवडणं ।
३००. तालियंटेण पत्तेण
तेउकायसमारंभं जावज्जीवा वज्जए ॥ ३५ ॥ २९९. अनिलस्स समारंभं बुद्धा मन्नंति तारिसं । सावज्जबहुलं चेव, नेयं ताईहिं सेवियं ॥ ३६॥ साहाविहुयणेण वा । न ते वीइउमिच्छंति, वीयांवेऊण वा परं ॥ ३७ ॥ ३०१. जं पि वत्थं वा पायं वा कंबलं पायपुंछणं । न ते वायमुईरंति जयं परिहरंति य ॥ ३८ ॥ ३०२. तम्हा एवं वियाणित्ता दोसं दोग्गइवड्डणं । वाउकाय-समारंभं जावज्जीवाए वज्जए ॥ ३९ ॥ ३०३. वणस्सइं न हिंसंति मणसा वयसा कायसा ।
तिविहेण करणजोएण संजया सुसमाहिया ॥ ४० ॥ ३०४. वणस्स विहिंसंतो हिंसई उ तदस्सिए ।
तसे य विविहे पाणे चक्खुसे य अचक्खुसे ॥ ४१॥
+ जावज्जीवाइं । x तिक्खमन्नयरा सत्था ।
दशवैकालिकसूत्र
— अगस्त्यचूर्णि
