Page Text
________________
दशवैकालिकसूत्र
अक्खोडंतं वा, पक्खोडंतं वा, आयावंतं वा, पयावंतं वा x न समणुजाणेज्जा । जावज्जीवाए तिविहं तिविहेणं, मणेणं वायाए काएणं, न करेमि, न कारवेमि, करेंतं पि अन्नं न समणुजाणामि । तस्स भंते ! पडिक्कमामि निंदामि गरहामि अप्पाणं वोसिरामि ॥ १९॥
१०८
[५१] से भिक्खू वा भिक्खुणी वा, संजय - विरय- पडिहय-पच्चक्खाय - पावकम्मे, दिया वा राओ वा, एगओ वा परिसागओ वा, सुत्ते वा जागरमाणे वा, से अगणिं वा इंगालं वा अच्चिं वा जालं वा, अलायं वा सुद्धागणिं वा उक्कं वा, न उंजेज्जा, न घट्टेज्जा, न उज्जालेज्जा, [न पज्जालेज्जा ], न निव्वावेज्जा, अन्नं न उंजावेज्जा, न घट्टावेज्जा, न उज्जालावेज्जा, [ न पज्जालावेज्जा ], न निव्वावेजा, अन्नं उजंतं वा, घट्टंतं वा, उज्जालंतं वा, [पज्जालंतं वा ], निव्वावतं वा न समणुजाणेज्जा । जावज्जीवाए तिविहं तिविहेणं, मणेणं वायाए काएणं, न करेमि, न कारवेमि, करेंतं पि अन्नं न समणुजाणामि । तस्स भंते ! पडिक्कमामि निंदामि गरहामि अप्पाणं वोसिरामि ॥ २० ॥
वा,
[५२] से भिक्खू वा भिक्खुणी वा, संजय - विरय-पडिहय-पच्चक्खाय - पावकम्मे, दिया वा राओ वा, एगओ वा परिसागओ वा, सुत्ते वा जागरमाणे वा, से सिएण वा, विहुयणेण तालियंटेण वा, पत्तेण वा, पत्तभंगेण वा, साहाए वा साहाभंगेण वा, पिहुणेण वा, पिहुणहत्थेण वा, चेलेण वा, चेलकण्णेण वा, हत्थेण वा, मुहेण वा अप्पणो वा कार्य, बाहिरं वावि पोग्गलं, न फूमेज्जा, न वीएज्जा, अन्नं न फूमावेजा न वीयावेजा, अन्नं तं वा, वीयंतं वा न समणुजाणेज्जा । जावज्जीवाए तिविहं तिविहेणं, मणेणं वायाए कारणं, न करेमि, न कारवेमि, करेंतं पि अन्नं न समणुजाणामि । तस्स भंते ! पडिक्कमामि निंदामि गरहामि अप्पाणं वोसिरामि ॥ २१ ॥
[ ५३ ] से भिक्खू वा भिक्खुणी वा संजय - विरय - पडिहय-पच्चक्खाय - पावकम्मे, दिया वा राओ वा, एगओ वा परिसागओ वा, सुत्ते वा, जागरमाणे वा, से बीएसु वा, बीयपइट्ठेसु वा, रूढेसु वा, रूढपइट्ठेसु वा, जाएसु वा जायपइट्ठेसु वा, हरिएसु वा, हरियपइट्ठेसु वा, छिन्नेसु वा छिन्नपइट्ठेसु वा, सचित्तेसु वा सचित्तकोलपडिनिस्सिएसु वा, न गच्छेज्जा, न चिट्ठेज्जा न निसीएज्जा, न तुयट्ठेज्जा, अन्नं न गच्छावेजा, न चिट्ठावेज्जा, न निसीयावेज्जा, न तुयट्टावेज्जा, अन्नं गच्छंतं वा, चिट्ठतं वा, निसीयंतं वा, तुयट्टंतं वा, न समणुजाणेज्जा । जावज्जीवाए तिविहं तिविहेणं, मणं वायाए कारणं, न करेमि, न कारवेमि, करेंतं पि अन्नं न समणुजाणामि । तस्स भंते ! पडिक्कमामि, निंदामि गरहामि अप्पाणं वोसिरामि ॥ २२ ॥
[५४] से भिक्खू वा भिक्खुणी वा संजय विरय-पडिहय-पच्चक्खाय - पावकम्मे, दिया वा, राओ वा, एगओ वा परिसागओ वा, सुत्ते वा जागरमाणे, से कीडं वा, पयंगं वा, कुंथुं
X
[ ]
अक्खोडेंतं वा, पक्खोडेंतं वा, आयावेंतं वा पयावेंतं वा । — दसवेयालियसुत्तं (मूलपाठ, टिप्पण), पृ. ११-१२ इस प्रकार के कोष्ठक के अन्तर्गत पाठ अधिक है। सं.
| SR No. | 003465 |
| Book Title | Agam 29 Mool 02 Dasvaikalik Sutra Stahanakvasi |
| Original Sutra Author | Shayyambhavsuri |
| Author | Madhukarmuni, Shobhachad Bharilla, Pushpavati Mahasati |
| Publisher | Agam Prakashan Samiti |
| Publication Year | 1985 |
| Total Pages | 535 |
| Language | Hindi |
| Classification | Book_Devnagari, Agam, Canon, Ethics, & agam_dashvaikalik |
| File Size | 11 MB |