________________
प्रथम प्राभृत - छठा प्राभृतप्राभृत]
[
२३
तया णं उत्तमकट्ठपत्ता उक्कोसिया अट्ठारसमुहुत्ता राई भवइ, जहण्णए दुवालसमुहुत्ते दिवसे
भवइ,
एस णं पढमे छम्मासे, एस णं पढमस्स छम्मासस्स पजवसाणे,
१. से पविसमाणे सूरिए दोच्चं छम्मासं अयमाणे पढमंसि अहोरत्तंसि बाहिराणंतरं मंडलं उवसंकमित्ता चारं चरइ, _ता जया णं सूरिए बाहिराणंतरं मंडलं उवसंकमित्ता चारं चरइ,
तया णं दो दो जोयणाई अडयालीसं च एगट्ठिभागे जोयणस्स एगेणं राइदिएणं विकंपइत्ता चार चरइ,
तया णं अट्ठारसमुहुत्ता राई भवइ दोहिं एगट्ठिभागमुहुत्तेहिं ऊणा, दुवालसमुहुत्ते दिवसे भवइ दोहिं एगट्ठिभागमुहुत्तेहिं अहिए,
२. से पविसमाणे सूरिए दोच्चंसि अहोरत्तंसि बाहिरं तच्चं मंडलं उवसंकमित्ता चारं चरइ, • ता जया णं सूरिए बाहिरं तच्चं मंडलं उवसंकमित्ता चारं चरइ,
तया णं पंचजोयणाई पणतीसं च एगट्ठिभागे जोयणस्स दोहिं राइदिएहिं विकंपइत्ता विकंपइत्ता चारं चरइ,
तया णं अट्ठारसम हुत्ता राई भवइ चउहिं एगट्ठिभागमुहुत्तेहिं ऊणा, दुवालसमुहुत्ते दिवसे भवइ, चउहिं एगट्ठिभागमुहुत्तेहिं अहिए,
एवं खलु एएणं उवाएणं पविसमाणे सूरिए तयाऽणंतराओ मंडलाओ तयाणंतरं मंडलं संकममाणे संकममाणे दो जोयणाई अडयालीसं च एगट्ठिभागे जोयणस्स एगमेगं मंडलं एगेमेगेणं राइदिएणं विकंपमाणे विकंपमाणे सव्वब्भंतरं मंडलं उवसंकमित्ता चारं चरइ,
ता जया णं सूरिये सव्वबाहिराओ मंडलाओ सव्वब्भंतरं मंडलं उवसंकमित्ता चारं चरइ,
तया णं सव्वबाहिरं मंडलं पणिहाय एगे णं तेसीए णं राइंदियसएणं पंचदसुत्तरे जोयणसए विकंपइत्ता चारं चरइ,
तया णं उत्तमकट्ठपत्ते, उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राई भवइ,
एस णं दोच्चे छम्मासे एस णं दोच्चस्स छम्मासस्स पजवसाणे, एस णं आइच्चे संवच्छरे, एस णं आइच्चस्स संवच्छरस्स पजवसाणे।
