________________
प्रथम प्राभृत
[छठा प्राभृतप्राभृत] सूरस्स एगमेगे राइदिए मंडलाओ मंडलसंकमणखेत्तचारं
१८. ता केवइयं ते एगमेगे णं राइदिए णं विकंपइत्ता विकंपइत्ता सूरिए चार चरइ, आहितेति वदेजा?
तत्थ खलु इमाओ सत्त पडिवत्तीओ पण्णत्ताओ तं जहा - तत्थेगे एवमाहंसु -
१. ता दो जोयणाई अद्धदुचत्तालीसे तेसीई सयभागे जोयणस्स, एगमेगेणं, राइदिएणं विकंपइत्ता विकंपइत्ता सूरिए चारं, चरइ, एगे एवमाहंसु,
एगे पुण एवमाहंसु -
२. ता अड्ढाइज्जाई जोयणाई एगमेगेणं राइदिएणं विकंपइत्ता विकंपइत्ता सूरिए चार चरइ, एगे एवमाहंसु,
एगे पुण एवमाहंसु -
३. ता तिभागूणाई तिनि जोयणाई एगमेगेणं राइदिएणं विकंपइत्ता विकंपइत्ता सूरिए चार चरइ, एगे एवमाहंसु,
एगे पुण एवमाहंसु -
४. ता तिण्णि जोयणाई अद्धसीतालीसं च तेसीइसयभागे जोयणस्स, एगमेगेणं, राइदिएणं विकंपइत्ता विकंपइत्ता सूरिए चार चरइ, एगे एवमाहंसु,
एगे पुण एवमाहंसु -
५. ता अधुट्ठाइं जोयणाई एगमेगेणं, राइदिएणं विकंपइत्ता विकंपइत्ता सूरिए चारं चरइ, एगे एवमाहंसु,
एगे पुण एवमाहंसु -
७. ता चत्तारिजोयणाइं अद्धबावण्णं च तेसीइसयभागे जोयणस्स एगमेगेणं, राइदिएणं विकंपइत्ता विकंपइत्ता सूरिए चारं चरइ, एगे एवमाहंसु,
