________________
[ सूर्यप्रज्ञप्तिसूत्र
९. ता जया णं सूरिए सव्वब्भंतराओ मंडलाओ सव्वबाहिरं मंडलं उवसंकमित्ता चारं चरइ, सव्वबाहिराओ मंडलाओ सव्वब्भंतरं मंडलं उवसंकमित्ता चारं चरइ, एस णं अद्धा केवइयं राइंदियग्गे णं आहिते त्ति वदेजा? ता तिण्णि छावठे राइंदियसए राइंदियग्गे णं आहिते त्ति वदेज्जा। सूरमंडलेसु सूरस्स सई दुक्खुत्तो वा चारं .
१०. ता एताए अद्धाए सूरिए कति मंडलाइं चरइ ? ता चुलसीयं मंडलसयं चरइ। बासीइ मंडलसयं दुक्खुत्तो चरइ, तं जहा - णिक्खममाणे चेव, पवेसमाणे चेव।
दुवे य खलु मंडलाइं सई चरइ, तं जहा - सव्वब्भंतरं चेव मंडलं, सव्वबाहिरं चेव मंडलं। आइच्चसंवच्छरे अहोरत्तप्पमाणं
११. जइ खलु तस्सेव आदिच्चस्स संवच्छरस्स सइं अट्ठारसमुहुत्ते दिवसे भवइ सइं अट्ठारस मुहुत्ता राई भवइ,
सई दुवालसमुहुत्ते दिवसे भवइ, सई दुवालसमुहुत्ता राई भवइ, पढमे छम्मासे-अस्थि अट्ठारसमुहुत्ता राई भवइ, नत्थि अट्ठारस मुहुत्ते दिवसे, अत्थि अट्ठारसमुहुत्ते दिवसे, नत्थि दुवालसमुहुत्ता राई भवइ। दोच्चे छम्मासे-अस्थि अट्ठारसमुहुत्ते दिवसे भवइ, नत्थि अट्ठारसमुहुत्ता राई, अत्थि दुवालसमुहुत्ता राई, नत्थि दुवालसमुहुत्ते दिवसे भवइ।
पढमे छम्मासे वा दोच्चे छम्मासे वा णत्थि पण्णरसमुहुत्ते दिवसे भवइ, णत्थि पण्णरसमुहुत्ता राई भवइ।
तत्थ णं कं हेउं वदेज्जा?
ता अयण्णं जंबुद्दीवे दीवे सव्वदीव-समुद्दाणं सव्वब्भंतराए सव्वखुड्डागे वटे जाव जोयणसयसहस्समायाम-विक्खंभे णं, तिनि जोयण-सयसहस्साई दोन्नि य सत्तावीसे जोयणसए तिन्नि कोसे, अट्ठावीसं च धणुसयं तेरस य अंगुलाई, अद्धंगुलं, च किंचि विसेसाहिए परिक्खेवे णं पण्णत्ते।
ता जया णं सूरिए सव्वब्भंतर-मण्डलं उवसंकमित्ता चारं चरइ, तया णं उत्तमकट्ठपत्ते उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राईं भवइ,
___ से निक्खममाणे सूरिए नवं संवछरं अयमाणे पढमंसि अहोरत्तंसि अभिंतराणंतरं मंडलं
