________________
ग्यारहवां प्राभृत ]
[ १४३
उ. ता उत्तराहिं आसाढाहिं, उत्तराणं आसाढाणं चत्तालीसं मुहुत्ता, चत्तालीसं य बासट्ठिभागा
मुहुत्तस्स, बासट्ठिभागं च सत्तट्ठिधा छेत्ता चउसट्ठी चुण्णिया भागा सेसा। प. तं समयं च णं सूरे केणं णक्खत्तेणं जोएइ ? उ. ता पुणव्वसुणा, पुणव्वसुस्स अउणतीसं मुहुत्ता, एक्कवीसं च बासट्ठिभागा, मुहुत्तस्स,
बासट्ठिभागं सत्तट्ठिधा छेत्ता सितालीसं चुण्णिया भागा सेसा। पंचमं अभिवड्ढियं संवच्छरं क. ५. प. ता एएसि णं पंचण्हं संवच्छराणं पंचमस्स अभिवड्डियसंवच्छरस्स के आदी ? आहिए
त्ति वएज्जा। उ. ता जे णं चउत्थस्स चंदसंवच्छरस पज्जवसाणे, से णं पंचमस्स अभिवड्वियसंवच्छरस्स
आदी, अणंतरपुरक्खडे समए। प. ता से णं किपजवसिए ? आहिए त्ति वएज्जा। उ. ता जे णं पढमस्स संवच्छरस्स आदी से णं पंचमस्स अभिवडियसंवच्छरस्स पजवसाणे
अणंतरपच्छाक्खडे समए। प. तं समयं च णं चंदे केणं णक्खत्तेणं जोएइ ? उ. ता उत्तराहिं आसाढााहिं, उत्तराणं आसाढाणं चरमसमए। प. तं समयं च णं सूरे केणं णक्खत्तेणं जोएइ ? उ. ता पुस्सेणं, पुस्सस्स णं एक्कवीसं मुहुत्ता, तेतालीसं च बावट्ठिभागा, मुहुत्तस्स बावट्ठिभागं __च सत्तट्ठिधा छेत्ता तेत्तीसं चुणिया भागा सेसा।
