________________
दशम प्राभृत - बावीसवां प्राभृतप्राभृत ]
[ १३९
२. क. ता जेणं अज णक्खत्तेणं सूरे जोगं जोएइ जंसि देसंसि से णं इमाइं तिण्णि छावट्ठाइं
राइंदियसयाइं उवाइणावेत्ता पुणरवि से सूरिए अण्णेणं तारिसएणं चेव णक्खत्तेणं जोगं
जोएइ तं देसंसि। ख. ता जेणं अज णक्खत्तेणं सूरे जोगं जोएइ तंसि देसंसि से णं इमाइं सत्त दुतीसं राइंदियसयाई ___ उवाइणावेत्ता पुणरवि से सूरे अण्णेणं चेव तारिसएणं णक्खत्तेणं जोगं जोएइ, तंसि देसंसि। ग. ता जेणं अज णक्खत्तेणं सूरे जोगं जोएइ, जंसि देसंसि से णं इमाइं अट्ठारस तीसाइं
राइंदियसयाई उवाइणावेत्ता पुणरवि सूरे तेणं चेव णक्खत्तेणं जोगं जोएइ, तंसि देसंसि। घ. ताजेणं अज णक्खत्तेणं सूरे जोगं जोएइ जंसि देसंसि से णं इमाइं छत्तीसं सट्ठाई राइंदियसयाई
उवाइणावेत्ता पुणरवि से सूरे तेणं चेव णक्खत्तेणं जोगं जोएइ तंसि देसंसि। चंद-सूर-गह णक्खत्ताणं गइसमावण्णत्तं ७०. ता जया णं इमे चंदे गइसमावण्णए भवइ,
तया णं इयरेऽवि चंदे गइसमावण्णए भवइ। जया णं इयरे चंदे गइसमावण्णए भवइ, तया णं इमेऽवि चंदे गइसमावण्णए भवइ। ता जया णं इमे सूरिए गइसमावण्णए भवइ, तया णं इयरेऽवि सूरिए गइसमावण्णए भवइ। ता जया णं इयरे सूरिए गइसमावण्णए भवइ, तया णं इमेऽवि सूरिए गइसमावण्णए भवइ।
एवं गहे वि, णक्खत्ते वि। चंद-सूर-गह णक्खत्ताणं जोगो
ता जया णं इमे चंदे जुत्ते जोगे णं भवइ, तया णं इयरेवि चंदे जुत्ते जोगे णं भवइ। ता जया णं इयरे चंदे जुत्ते जोगे णं भवइ, तया णं इमेऽवि चंदे जुत्ते जोगे णं भवइ। एवं सूरेऽवि गहेऽवि णक्खत्तेऽवि। सया वि चंदा जुत्ता जोगेहिं, सया वि सूरा जुत्ता जोगेहिं, सया वि गहा जुत्ता जोगेहिं, सया विणक्खत्ता जुत्ता जोगेहि, दुहओऽवि चंदा जुत्ता जोगेहिं,
