________________
दशमप्राभृत
[चौदहवां प्राभृतप्राभृत] दिवसराईणं णामाई - ४८. प. ता कहं ते दिवसा ? आहिए त्ति वएज्जा,
उ. ता एगमेगस्स णं पक्खस्स पण्णरस पण्णरस दिवसा पण्णत्ता, तंजहा - पडिवया दिवसे, बितिया दिवसे, तइया दिवसे, चउत्थी दिवसे, पंचमी दिवसे, छट्ठी दिवसे, सत्तमी दिवसे, अट्ठमो दिवसे, नवमी दिवसे, दसमी दिवसे, एक्कारसी दिवसे, बारसी दिवसे, तेरसी दिवसे, चउद्दसी दिवसे, पण्णरसे दिवसे, ता एएसि णं पण्णरसण्हं दिवसाणं पण्णरस णामधेजा पण्णत्ता, तंजहा - गाहाओः - ..... १. पुव्वंगे, २. सिद्धमणोरमे, य तत्तो, ३. मणोहरो चेव। ४. जसभद्दे, ५. जसोधर, ६. सव्वकामसमिद्धे ति य॥१॥ ७. इंदे मुद्धाभिसित्ते य, ८. सोमणस, ९. धणंजए, य बोद्धव्वे।
१०. अत्थसिद्धे ११. अभिजाए, १२. अच्चासणे, १३. सतंजए॥२॥ . १४. अग्गिवेसे, १५. उवसमे, दिवसाणं णामधेजाई। प. ता कहं ते राईओ पण्णत्ताओ? आहिए त्ति वएज्जा। उ. ता एगमेगस्स णं पक्खस्स पण्णरस पण्णरस राईओ पण्णताओ, तंजहा – पडिवाराई,
बितियाराई, ततीयाराई, चउत्थीराई, पंचमीराई, छट्ठीराई, सत्तमीराई, अट्ठमीराई, नवमीराई, दसमीराई, एक्कारसीराई, बारसीराई, तेरसीराई, चउस्सीराई, पण्णरसीराई, ता एयासिणं पण्णरसण्हं राईणं पण्णरस जामेधेजा पण्णत्ता, तंजहा - गाहाओः - १. उत्तमा य, २. सुणक्खत्ता, ३. एलावच्चा, ४. जसोधरा। ५. सोमणसा चेव तहा,
६. सिरिसंभूता य बोद्धव्वा ॥१॥ ७. विजया य, ८. वेजयंती, ९. जयंति, १०. अपराजिया य, ११. गच्छा य। १२. समाहारा चेव तहा, १३. तेया य तहा य, १४. अतितेया॥२॥ १५. देवाणंदानिरती,
रयणीणं णामधेजाइं।
