________________
चंदमग्गे णक्खत्तजोगसंखा
४४
प.
उ.
प.
दशमप्राभृत [ ग्यारहवा प्राभृतप्राभृत ]
ता कहं ते चंदमग्गा आहिए त्ति वएज्जा ? तासि णं अट्ठावीसाए णक्खत्ताणं
-
१. अत्थि णक्खत्ता जेणं सया चंदस्स दाहिणेणं जोगं जोएंति, २. अत्थि णक्खत्ता जे णं सया चंदस्स उत्तरेणं जोगं जोएंति, ३. अत्थि णक्खत्ता जे णं चंदस्स दाहिणेणऽवि उत्तरेणऽवि जोगं जोएंति,
४. अत्थि णक्खत्ता जेणं चंदस्स दाहिणेणऽवि पमद्दपि जोगं जोएंति, ५. अत्थि णक्खत्ता जे णं चंदस्स सया पमद्दं जोगं जोएंति,
ताएएसि णं अट्ठावीसाए णक्खत्ताणं
१. कयरे णक्खत्ता जे णं सया चंदस्स दाहिणेणं जोगं जोएंति ?
२. कयरे णक्खत्ता जेणं सया चंदस्स उत्तरेणं जोगं जोएंति ? ३. कयरे णक्खत्ता जे णं चंदस्स दाहिणेणऽवि उत्तरेणऽवि जोगं जोएंति ?
४. कयरे णक्खत्ता जे णं सया चंदस्स दाहिणेणऽवि पमद्दं जोगं जोएंति ? ५. कयरे णक्खत्ता जे णं चंदस्स सया पमद्दं जोगं जोएंति ?
उ. १. ताएएसि णं अट्ठावीसाए णक्खत्ताणं
-
तत्थ जे णं णक्खत्ता सया चंदस्स दाहिणेणं जोगं जोएंति, ते णं छ, तंजहा १. संठाणा, २. अद्धा, ३. पुस्सो, ४. अस्सेसा, ५. हत्थो, ६. मूलो,
२. तत्थ जे ते णक्खत्ता जे णं सया चंदस्स उत्तरेणं जोगं जोएंति, ते णं बारस, तंजहा - १. अभिई, २. सवणो, ३. धणिट्ठा, ४. सतभिसया, ५. पुव्वभद्दवया, ६. उत्तरभद्दवया, ७. रेवई, ८. अस्सिणी, ९. भरणी, १०. पुव्वफग्गुणी, ११. उत्तरफग्गुणी, १२. साती, ३. तत्थ जे ते णक्खत्ता जे णं चंदस्स दाहिणेणऽवि उत्तरेणऽवि पमद्दं जोगं जोएंति, ते णं सत्त, तं जहा - १. कत्तिया, २. रोहिणी, ३. पुणव्वसू, ४. महा, ५. चित्ता, ६. विसाहा, ७. अणुराहा,
