________________
दशम प्राभृत - छठा प्राभृतप्राभृत ]
कुलेण वा जुत्ता, उवकुलेण वा जुत्ता आसोइ असावासा जुत्ता त्ति वत्तव्वं सिया। ४. प. कत्तई णं अमावासं किं कुलं जोएइं, उवकुलं जोएइ कुलोवकुलं जोएइ ? उ. कुलं वा जोएइ, उवकुलं वा जोएइ नो लब्भइ कुलोवकुलं,
१. कुलं जोएमाणे विसाहा णक्खत्ते जोएइ, २. उवकुलं जोएमाणे साई णक्खत्ते जोएइ, ता कत्तिई णं अमावासं कुलं वा जोएइ, उवकुलं वा जोएइ,
कुलेण वा जुत्ता, उवकुलेण वा जुत्ता कत्तिई णं अमावासं जुत्तात्तिवत्तव्वं सिया। ५. प. ता मग्गसिरि णं अमावासं किं कुलं जोएइं, उवकुलं जोएइ कुलोवकुलं जोएइ ? उ. कुलं वा जोएइ, उवकुलं वा जोएइ नो लब्भइ कुलोवकुलं,
१. कुलं जोएमाणे मूलणक्खत्ते जोएइ, २. उवकुलं जोएमाणे जेट्ठा णक्खत्ते जोएइ, ३. कुलोवकुलं जोएमाणे अणुराहा णक्खत्ते जोएइ, ता मग्गसिरिणं णं अमावासं कुलं वा जोएइ, उवकुलं वा जोएइ, कुलोवकुलं वा जोएइ कुलेण वा जुत्ता उवकुलेण वा जुत्ता कुलोवकुलेण वा जुत्ता, मग्गसिरिं णं अमावासं
जुत्तात्तिवत्तव्वं सिया। ६. प. पोषि णं अमावासं किं कुलं जोएइं, उवकुलं जोएइ कुलोवकुलं जोएइ ? उ. कुलं वा जोएइ, उवकुलं वा जोएइ नो लब्भइ कुलोवकुलं,
१. कुलं जोएमाणे पुव्वासाढा णक्खत्ते जोएइ, २. उवकुलं जोएमाणे उत्तरासाढा णक्खत्ते जोएइ, ता पोषिं णं अमावासं कुलं वा जोएइ, उवकुलं वा जोएइ,
कुलेण वा जुत्ता, उवकुलेण वा जुत्ता पोषिणं अमावासा जुत्तात्ति वत्तव्वं सिया। ७. प. ता माहिं णं अमावासं किं कुलं जोएई, उवकुलं जोएइ कुलोवकुलं जोएइ ? उ. कुलं वा जोएइ, उवकुलं वा जोएइ कुलोवकुलं वा जोएइ,
१. कुलं जोएमाणे अभीयी णक्खत्ते जोएइ, २. उवकुलं जोएमाणे सवणे णक्खत्ते जोएइ, ३. कुलोवकुलं जोएमाणे धणिट्ठा णक्खत्ते जोएइ,
