________________
९०
]
[ सूर्यप्रज्ञप्तिसूत्र
२. उवकुलं जोएमाणे अस्सेसा णक्खत्ते जोएइ, माहिण्णं पुण्णिमं कुलेण वा जोएइ, उवकुलेण वा जोएइ
कुलेण वा, उवकुलेण वा जुत्ता माहिण्णं पुण्णिमं जुत्ते त्ति वत्तव्वं सिया। ८. प. ता फग्गुणीणं पुण्मिं किं कुलं जोएइ उवकुलं जोएइ, कुलोवकुलं जोएइ ? उ. ता कुलं वा जोएइ, उवकुलं वा जोएइ, नो लभइ कुलोवलुलं,
१. कुलं जोएमाणे उत्तराफग्गुणी णक्खत्ते जोएइ, २. उवकुलं जोएमाणे पुव्वाफग्गुणी णक्खत्ते जोएइ, फग्गुणीणं पुण्णिमं कुलेण वा जोएइ, उवकलेण वा जोएइ,
कलेण वा, उवकुलेण वा जुत्ता फग्गुणीणं पुण्णिमं जुत्तेति वत्तव्वं सिया। ९. प. ता चित्तिण्णं पुण्णिमं किं कुलं जोएइ, उवकुलं जोएइ, कुलोवकुलं वा जोएइ ? उ. ता कुलं वा जोएइ, उवकुलं वा जोएइ, नो लभइ कुलोवकुलं,
१. कुलं जोएमाणे चित्ता णक्खत्ते जोएइ, २. उवकुलं जोएमाणे हत्थ णक्खत्ते जोएइ, चित्तिण्णं पुण्णिमं कुलेण वा जोएइ, उवकुलेण वा जोएइ,
कुलेण वा, उवकुलेण वा जुत्ता चित्तिण्णं पुण्णिमं जुत्तेति वत्तव्वं सिया। १०. प. ता विसाहिण्णं पुण्णिमं किं कुलं जोएइ, उवकुलं जोएइ, कुलोवकुलं वा जोएइ ? उ. ता कुलं वा जोएइ, उवकुलं वा जोएइ, नो लभइ कुलोवकुलं,
१. कुलं जोएमाणे विसाहा णक्खत्ते जोएइ, २. उवकुलं जोएमाणे साती णक्खत्ते जोएइ, विसाहिण्णं पुण्णिमं कुलेण वा जोएइ, उवकुलेण वा जोएइ,
कुलेण वा, उवकुलेण वा जुत्ता विसाहिण्णं पुण्णिमं जुत्तेति वत्तव्वं सिया। ११. प. ता जेट्ठा-मूलिण्णं पुण्णिमं किं कुलं जोएइ, उवकुलं जोएइ, कुलोवकुलं जोएइ ?
उ. ता कुलं वा जोएइ, उवकुलं वा जोएइ, कुलोवकुलं वा जोएइ,
१. कुलं जोएमाणे मूले णक्खत्ते जोएइ, २. उवकुलं जोएमाणे जेट्ठा णक्खत्ते जोएइ, ३. कुलोवकुलं जोएमाणे अणुराहा णक्खत्ते जोएइ,
