Page Text
________________
तपोविधि-नन्दिरचनाविधि । तहा आसोयसियट्टमिमाइ अट्ठदिणे एगासणाइतवो त्ति पढमा पाउडी। एवं अट्ठसु वरिसेसु अट्ठपाउडिओ । उज्जवणे कणगमयअट्ठावयप्या कणगनिस्सेणी य कायचा । पक्कन्नाइ फलाइ चउवीसवत्थूणि जत्य सो भट्ठावयतवो ॥ ३४ ॥
सतरसय जिणाणं सत्तरसयं उववासाई तवो कीरइ जत्थ सो सत्तरसयजिणाराहणतवो। उज्जवणे लड्याइ वत्थूहिँ सत्तरसयसंखेहिं सत्तरसयजिणपूया ॥ ३५ ॥
पंचनमोक्कारउवहाणअसमत्थस्स नवकारतवेणावि आराहणा कारिजइ । सा य इमा-पढमपए अक्खराणि सत्त, अओ सत्त इक्कासणा । एवं पंचक्खरे बीयपए पंच इक्कासणा । तइयपए सत्त । चउत्थपए वि सत्त । पंचमपए नव । छट्ठपए चूलापयदुगरूवे सोलस, सत्तमपए चूलाअंतिमपयदुगरूवे सत्तरस्सखरे सत्तरस्स इक्कासणा । उज्जमणे रुप्पमयपट्टियाए कणयलेहणीए मयनाहिरसेण अक्खराणि लिहित्ता अट्ठसठ्ठीए मोयगेहिं पूया ॥ ३६॥
तित्थयरनामकरणाइ वीस ठाणाई पारणंतरिएहिं वीसाए उववासेहिं आराहिज्जति ति चालीसदिणमाणो वीसहाणतवो ॥ ३७॥
कीरति धम्मचके तवंमि आयंबिलाणि पणवीसं ।
उजमणे जिणपुरओ दाय, रुप्पमयचकं ॥१॥ अहवा-दो चेव तिरत्ताई सत्तत्तीसं तहा चउत्थाई ।
तं धम्मचकवालं जिणगुरुपूया समत्तीए ॥२॥ ३८॥ चित्तबहुलट्ठमीओ आरम्भ चत्तारिसया उववासा एगंतराइकमेण जहा अंगिकारं पूरिजंति । तईयवरिससंतियअक्खयतइयाए संघ-गुरु-साहम्मियपूयापुवं पारिजंति । उसमसामिचिन्नो संवच्छरियतवो ॥३९॥
एवं उसमसामितित्थसाहुचिण्णो बारसमासियतवो छटेहिं तिहिं तिहिं सएण उववासाणं । बावीसतित्थयरसाहुचिण्णो अट्ठमासियतवो चालीसाहियदुसयउववासेहिं । वद्धमाणसामितित्थसाहुचिण्णो असिय- 20 सरण उववासाणं छम्मासियतवो ॥ ४० ॥
अन्ने य माणिकपत्थारिया-मउडसत्तमी-अमियट्टमी-अविह्वदसमी-गोयमपडिग्गह-मोक्खदंडयअदुक्खदिक्खिया-अखंडदसमीमाइतवविसेसा आगमगीयत्थायरणबज्झ त्ति न परूविया । जे य एगारसंगतवाइणो अट्ठावयाइणो य तवविसेसा ते तहाविहथेरेहिं अपवत्तिया वि आराहणापगारो त्ति पयंसिया । जे पुण एगावली-कणगावली-रयणावली-मुत्तावली-गुणरयणसंवच्छर-खुड्डमहल्ल-सिंहनिक्कीलियाइयो । तवमेया ते संपयं दुक्कर ति न दंसिया । सुयसागराओ चेव नेय त्ति ॥
॥ ततोविही समत्तो ॥१४॥ ६२३. संपयं पुण सम्मत्तारोवणासावयकिञ्चाणि वित्थरनंदीए भवंति, दबत्थयप्पहाणचेण तेसि; साहणं पुण भावत्थयप्पहाणत्तेण संखेवनंदीए वि कीरति त्ति-सावयकिच्चाहिगारे नंदिरयणाविही भण्णइ । अहवा सावय-साहुकिचाणमंतरे भणिओ नंदिरयणाविही, डमरुगमणिनाएण उभयत्थ वि संबज्झइ ति इहेव - भण्णइ । तत्थ पसत्थखित्ते सूरिणा मुत्तासुत्तिमुद्दाए 'ॐ हाँ वायुकुमारेभ्यः खाहा' इइमंतेण वायुकुमारा आहविजंति । तओ सावएहिं अवणीए' सुपरिमज्जणं तेसिं कम्मं कीरइ । एवं मेहकुमाराहवणे गंधोदगदाणं । तओ देवीणं आहवणे सुगंधपंचवण्णकुसुमवुट्टी। अमिगकुमाराहवणे धूवक्खेवो । वेमाणिय-जोइस
1 'अवन्या' इति B टिप्पणी ।
Jain Education International
For Private & Personal Use Only
www.jainelibrary.org
| SR No. | 003393 |
| Book Title | Vidhi Marg Prapa |
| Original Sutra Author | N/A |
| Author | Vinaysagar |
| Publisher | Prakrit Bharti Academy |
| Publication Year | 2000 |
| Total Pages | 186 |
| Language | Hindi, Sanskrit |
| Classification | Book_Devnagari, Ritual, & Vidhi |
| File Size | 12 MB |