Page Text
________________
परिशिष्टम् ।
श्रीजिनप्रभसूरिकृतो दे व पूजा विधिः।
संपयं जहासंपदायं देवपूयाविही भण्णइ – तत्थ सावओ बंभमुहुत्ते पंचनमोकार सुमरंतो सिज्जं मुत्तूण अप्पणो कुलधम्मवयाई संभरिय, सरीरचिंताइ काऊण, फासुएणं अफासुएणं वा गलियजलेणं देसओ . सबओ वा पहाणं काऊण, कडिल्लवत्थं चाय परियिधोयवत्थजुगलो निसीहियातिगपुवं घरदेवालए पविसेज्जा । तत्थ मुह-कर-चरणपक्खालणं देसण्हाणं, सिरमाइसवंगपक्खालणं सवण्हाणं । तओ भगवओ आलोयमित्तो चेव भालयले अंजलिमउलियग्गहत्थो 'नमो जिणाणं' ति पणामं काउं जय जय सदं भणिय मुहकोसं काऊण, गिहपडिमाओ निम्मल्लमवणित्तु उवउत्तो लोमहत्थयाइणा निमज्जिय, जलेण पक्खालिय सरससुरहिचंदणेण देवस्स दाहिणजाणु - दाहिणखंध-निलाड - वामखंध - वामजाणुलक्खणेसु पंचसु, । हियएण सह छसु वा अंगेसु पूयं काऊण पञ्चग्गकुसुमेहिं च पूइय, तओ वामहत्थेण घंटं वाइयंतो दाहिणकरगहियधूवकडच्छुओ कालागुरु-पवरकुंदुरुक्क-तुरुक-मलयजमीससुगंधधूवं देवस्स पुरोभागादारब्भ 'असुरिंदसुरिंदाणं' इच्चाइधूमावलीगाहाओ पढंतो सिट्ठीए दसदिसं उम्गाहिय पुरो धारेइ । तओ चंदणवासक्खयाहि वासियं कुसुमंजलिं करयलसंपुडेण गिण्हित्ता 'नमोऽर्हत्सिद्धाचार्योपाध्यायसर्वसाधुभ्यः' इति भणिय, 'ओसरणे जिणपुरओ' इच्चाइवित्तेण देवस्स उवरि खिवेइ । तओ 'लोणत्त'इच्चाइवित्तं 15 पढंतो सिट्टीए ओयारिय दाहिणपासधरियपडिग्गहियाठियजलणे खिवेइ । एवं अन्ने वि दो वारे वित्तदुगेणं । तओ धाराघडियाओ जलं घेत्तूण 'उन्नयपयपन्भहस्स' इच्चाइवित्ततिगेणं तेणेव कमेण भगवओ ओयारिय तहेव जलणे खिवेइ । तओ थालयम्स उवरि पंच-सत्ताइविसमवट्टिवोहियदीवसीहावमालियमारत्तियं दोहिं हत्थेहिं गहिय 'गीयस्थगणाइण्णं' इच्चाइवित्ततिगं भणिय वारे तिण्णि आरत्तियमुत्तारेइ । एगो य दाहिणपासट्टिओ आरत्तियंमि उत्तरंते तिण्णिवारे जलधाराओ पडिग्गहियाठियजलणे देइ । अन्ना- 20 भावे आरत्तियउत्तारणाणंतरं सयमेव वा धाराओ देइ । उत्तरंते आरत्तिए उभओ पासेसु सावयनियचेलंचलेहिं चामरेहिं वा भगवओ चामरुक्खेवं कुणंति । एयं च लवणाइउत्तारणं पालित्तयसूरिमाइपुवपुरिसेहिं संहारेण अणुण्णायं वि संपयं सिट्टीए कारिजइ । विसमो खु गड्डरियापवाहो । तओ पडिगहियाठियंगारजलाइ बाहिं उज्झिय थालियं पक्खालिय, तत्थ चंदणेण सत्थियं नंदावत्तं वा काउं तम्सुवरि पुप्फक्खयवासो खिविय ओसग्गओ अविहवनारीबोहियं तदभावे सयं वा पवोहियं रत्तवहि-मंगलदीवयं । टाविय चंदणपुप्फवासाईहिं पूइय मंगलछप्पयाइ पढणाणंतरं 'नमोऽर्हत्सिद्धाचार्यो०' इच्चाइ भणिय, 'जेणेगो जिणनाहो' इच्चाइवित्ततिगं पढित्ता मंगलदीवं उज्झविय, सबेमु तदुवरि कुसुमाई खिवितेसु पंचसद्दे वजंते अभिमितो भगवओ पुरो धारेइ । तओ सकत्थयं भणित्ता. वासक्खेवं काउं मंगलदीवयमगुन्नविय एगदेसे मुंचइ, न उण आरत्तियं व झिवेइ ति - घरपडिमापूया[विही]समत्तो ॥ १ ॥
विधि० १६
Jain Education International
For Private & Personal Use Only
www.jainelibrary.org
| SR No. | 003393 |
| Book Title | Vidhi Marg Prapa |
| Original Sutra Author | N/A |
| Author | Vinaysagar |
| Publisher | Prakrit Bharti Academy |
| Publication Year | 2000 |
| Total Pages | 186 |
| Language | Hindi, Sanskrit |
| Classification | Book_Devnagari, Ritual, & Vidhi |
| File Size | 12 MB |