Vidhi Marg Prapa

SR No.: 003393
Original Sutra Author: N/A
Author: Vinaysagar
Publisher: Prakrit Bharti Academy
Publication Year: 2000
Total Pages: 186
Language: Hindi, Sanskrit
Classification: Book_Devnagari, Ritual, & Vidhi
File Size: 12 MB

Page 123

गणानुज्ञाविधि। तदणुण्णाओ अन्नो वा तहाविहो अणुण्णत्थं नंदि कड्डइ । सीसो उवउत्तो भावियप्पा तयत्थपरिभावणापरो सुणेइ । तयंते गुरू उवविसिय, गंधे अभिमंतिय, जिणपाए पूइय साहुमाईणं देइ । तओ वंदिता सीसो भणइ -'इच्छाकारेण तुब्मे अम्हं दिगाइ अणुजाणह' । गुरू आह -'खमासमणाणं हत्थेणं इमस्स साहुस्स दिगाइ अणुन्नायं ३' । पुणो वंदित्ता भणइ -'संदिसह किं भणामो?' गुरू आह -'वंदित्ता पवेयह' । तओ वंदित्ता भणइ -'इच्छाकारेण तुब्भेहि अम्हं दिगाइ अणुन्नायं । इच्छामो अणुसर्टि' । गुरू आह -'गुरू- । गुणेहिं वडाहि' । पुणो वंदित्ता भणइ -'तुम्हाणं पवेइयं, संदिसह साहूणं पवेएमि' । गुरू आह - पवेएहि'। तओ खमासमणपुधं नमोक्कारमुच्चरंतो गुरुं पयक्खिणीकरेइ । गुरू सीसे वासे खिवंतो-'गुरुगुणेहि वड्डाहि'त्ति भणइ । एवं तिन्नि वेला । तओ-'तुम्हाणं पवेइयं, साहूणं पवेइयं, संदिसह काउस्सगं करेमि'-त्ति भणिय दिगाइअणुण्णत्थं करेमि काउस्सग्गं, अन्नत्थूससिएणमिच्चाइ काउस्सग्गं करिय सूरिसमीवे उवविसह । सीसाइया तस्स बंदणं दिति । तओ मूलगुरू गणहरगच्छाणुसद्धिं देइ । जहा
धन्नोऽसि तुमं नायं जिणवयणं जेण सयलदुक्खहरं । तो सम्ममिमं भवया पउंजियवं सयाकालं ॥१॥ इहरा उ रिणं परमं असम्मजोगो अजोगओ अवरो । तो तह इह जइयवं जह इत्तो केवलं होइ ॥२॥ परमो य एस हेऊ केवलनाणस्स अन्नपाणीणं । मोहावणयणओ तह संवेगाइ सयभावेण ॥ ३ ॥ उत्तममिमं०......गाहा ॥ ४॥धण्णाण.......गाहा ॥५॥ संपाविऊण परमे नाणाई दुहियतायणसमत्थे। भवभयभीयाण दढं ताणं जो कुणइ सो धन्नो ॥६॥ अन्नाणवाहिगहिया जइवि न सम्म इहाउरा होति। तहवि पुण भावविजा तेसिं अवणिति तं वाहिं ॥७॥ ता तंसि भावविजो भवदुक्खनिवीडिया तुहं एए। हंदि सरणं पवना मोएयवा पयत्तेणं ॥८॥ . तं पुण एरिसओं चिय तहवि हु भणिओसि समयनीईए । निययावत्थासरिसं भवया निचं पि कायचं ॥९॥ तुम्भेहिं पि न एसो संसाराडविमहाकुडिल्लम्मि। . सिद्धिपुरसत्थवाहो जत्तेण खणं पि मोत्तवो ॥१०॥ नय पडिकूलेयचं वयणं एयस्स णाणरासिस्स । एव गिहवासचाओ जं सफल होइ तुम्हाणं ॥११॥ इहरा परमगुरूणं आणाभंगो निसेविओ होइ । विहला य होंति तम्मी नियमा इहलोग-परलोगा ॥१२॥ ता कुलवहुनाएणं कज्जे निभच्छिएहिं वि कहिंपि । एयरस पायमूलं आमरणन्तं न मोत्तवं ॥ १३ ॥ नाणस्स होइ भागी थिरयरओ दंसणे चरित्ते य । धमा आवकहाए गुरुकुलवासं न मुंचंति ॥१४॥