Page Text
________________
७२
विधिप्रपा। सिय गंधाभिमंतणं संघवासदाणं जिणचलणेसु गंधक्खेवो । तओ पढमखमासमणे -'इच्छाकरेण तुम्भे अम्हं महत्तरापयं अणुजाणह -' ति भणिए, गुरू भणइ–'अणुजाणामि' । बीए -'संदिसह किं भणामि ?' गुरू आह -'वंदित्ता पवेयह' । तइए-'तुब्भेहिं अम्हं महत्तरापयमणुण्णायं ?' गुरू आह–'अणुण्णायं' । ३ खमासमणाणं हत्थेणं०, 'इच्छामि अणुसहि' ति; गुरू भणइ -नित्थारगपारगा होहि, गुरुगुणेहिं वड्डाहि । चउत्थे-'तुम्हाणं पवेइयं संदिसह साहूणं पवेएमि' । पंचमं खमासमणं देइ । तओ नमोक्कारमुच्चरन्ती सगुरुं समवसरणं पयक्खिणी करेइ वारतिगं । छट्टे-'तुम्हाणं पवेइयं, साहूणं पवेइयं, संदिसह करेमि' त्ति भणिता, सत्तमे अणुण्णायमहत्तरापयथिरीकरणत्थं करेमि काउस्सग्गमिति काउस्सग्गो कीरइ । उज्जोयचिंतणपुवयं काउस्सग्गं पारिचा, चउवीसस्थयं भणित्ता, वंदित्ता उवविसइ । तओ पत्ताए लग्गवेलाए खंधकरणीखंधे निसिज्जह । दुकंबला निसिज्जा य हत्थे दिज्जइ । तदुत्तरं चंदणचचियदाहिणकण्णाए 10 उवज्झायमंतो दिज्जइ वारतिगं, नामट्ठवणं च कीरइ । तदुत्तरं अज्जचंदणा-मिगावईण परमगुणे साहितो महत्तराए वइणीणं च गुरू अणुसटिं देइ । जहा
उत्तममिमं पयं जिणवरेहिं लोगोत्तमेहिं पण्णत्तं । उत्तमफलसंजणयं उत्तमजणसेवियं लोए ॥१॥ धण्णाण निवेसिज्जइ धण्णा गच्छन्ति पारमेयस्स । गंतुं इमस्स पारं पारं वचंति दुक्खाणं ॥२॥ जइ वि तुमं कुसल चिय सवत्थ वि तहवि अम्ह अहिगारो। सिक्खादाणे तेणं देवाणुपिए! पियं भणिमो ॥३॥ संपत्ता इय पयविं समत्थगुणसाहणंमि गुरुययरिं । ता तीए उत्तरोत्तरवुहिकए कीरउ पयत्तो॥४॥ सुत्तत्थोभयरूवे नाणे नाणोत्तकिचवग्गे य । सत्तिं अइकमित्ता वि उजमो किर तुमे किच्चो ॥५॥ सुचिरं पि तवो तवियं चिन्नं चरणं सुयं च बहुपढियं ।
संवेगरसेण विणा विहलं जं ता तदुवएसो ॥६॥ तहा-सन्नाणाइगुणेसुं पवत्तणेणं इमाण समणीणं ।
सचं पवित्तिणि चिय जह होसि तहा जइज तुमं ॥७॥ निययगुणेहिं महग्धं सियबीयाससिकलं जह कलाओ। कमसो समल्लियंती पयई हिमहारधवलाओ॥८॥ तह तुह वि तहाविहनियगुणेहिं अग्धारिहाए लोगम्मि । एयाउ समल्लीणा पयासु धवलोजलगुणाओं ॥९॥ तम्हा निवाणपसाहगाण जोगाण साहणविहीए। सम्मं सहायिणीए होयचं सइ इमाण तए ॥१०॥ तह ववसिंखला इव मंजूसा इव सुनिविडवाडी व । पायारु व हविजसु तुममजाणं पयत्तेणं ॥११॥
1A मयहरापय।
Jain Education International
For Private & Personal Use Only
www.jainelibrary.org
| SR No. | 003393 |
| Book Title | Vidhi Marg Prapa |
| Original Sutra Author | N/A |
| Author | Vinaysagar |
| Publisher | Prakrit Bharti Academy |
| Publication Year | 2000 |
| Total Pages | 186 |
| Language | Hindi, Sanskrit |
| Classification | Book_Devnagari, Ritual, & Vidhi |
| File Size | 12 MB |