Page Text
________________
विधिप्रपा ।
सित्यं पियंतस्स वा दवं जइ चोलपट्ट पमज्झे गयं तो वि कप्पुत्तारणेण सुज्झइ । कारणपरिवासियजलेण तिप्पाओ न सुज्झति । अणुग्गए य जइ तिप्पाओ गेण्हंतो एगं दो तिन्नि वा गिण्हेइ अपडते वा दवे गिण्हइ सधमणाउत्तं होइ । नहा लोयकेसा य वसहीए वीसरिया तइए दिणे अणाउत्ता होति । खइरकक्क
समाणं पूइत्तावण्णं वा रुहिरमणाउत्तं न होइ । लद्दीए मज्जार-सुणग-माणुसाइपुरीसे वा छिक्के अणाउत्तो । होइ । तेप्पणयाइसु दवं अणाउत्तं जायं अइरित्ते वा मा उज्झियवं होहिइ त्ति । तओ आकंठं जलेण भरित्ता तिप्पियं आउत्तं होइ ति ।
॥ कप्पतिप्पसामायारी समत्ता ॥ २५॥
६६७. एवं कप्पतिप्पाइविहिपुरस्सरं साहू समाणियसयलजोगविही मूलग्गंथ-नंदि-अणुओगदार-उत्तरज्झयण-इसिभासिय-अंग-उवंग-पइन्नय-छेयग्गंथआगमे वाइज्जा । अतो वायणाविही भणइ - " तत्थ अणुओगमंडलिं पमज्जिय गुरुणो निसिजं रइत्ता, दाहिणपासे य निसिज्जाए अक्खे ठाइत्ता, गुरूणं पाएसु मुहपोत्तियापडिलेहणपुर्व दुवालसावत्तवंदणं दाउं, पढमे खमासमणे अणुओगं आढवेमो त्ति, बीए अणुओगआढवणत्थं काउस्सग्गं करेमो त्ति भणिय, अणुओगआढवणत्थं करेमि काउस्सग्गं अन्नत्थ ऊससिएणमिच्चाइ पढिय, अट्ठस्सासं काउस्सग्गं करिय, पारित्ता पंचमंगलं भणित्ता, पढमे खमासमणे वायणं संदिसावेमि, बीए वायणं पडिगाहेमि, तइए बइसणं संदिसावेमि, चउत्थे बइसणं ठामि त्ति भणिऊण, " नीयासणत्यो मुहपोत्तियाठइयवयणो उवउत्तो उचियसरेणं वाइज्जा । जे के वि अणुओगं आढविय
उवउत्ता सुणन्ति तेसिं सबेसिं वायणा लग्गइ । अणुओगे आढत्ते निद्दा-विगहा-वत्ता-हास-पच्चक्खाणदाणाइ न कीरइ । जस्स सगासे तं सुयमहिजियं तमेगं मुत्तुं अन्नस्स गुरुणो वि न अब्भुट्ठिजइ । उद्देसगसमतीए छोभवंदणं भणंति । अज्झयणाइसु वंदणगमेव । अणुओगसमत्तीए पढमखमासणे अणुओगपडिक्कमहं, बीए अणुओगपडिक्कमणत्थ काउस्सग्गु करहं । अणुओगपडिक्कमणत्थं करेमि काउस्सग्गमिच्चाइ पढिय, ॥ अदुस्सांसं उस्सग्गं काउं पारित्ता, पंचमंगलं भणित्ता, गुरुणो वंदति त्ति ।
॥ वायणाविही समत्तो ॥ २६ ॥
६६८. एवं विहिगहियागमं सीसं अणुवत्तगत्ताइगुणन्नियं नाउं वायणायरियपए उवज्झायपए आयरियपए वा गुरुणो ठावेंति । सिस्सिणिं च पवत्तिणीपए महत्तरापए वा । तत्थ वायणायरियपयठावणाविही भण्णइ -
एगकंबलं निसिज्जं उत्तरच्छयसहियं रइत्ता पक्खालियंगं सीसं वामपासे ठाविय दुवालसावत्तवंदणं दवाविय, खमासमणपुवं गुरू भणावेइ -'इच्छाकारेण तुन्भे अम्हं वायणायरियपयअणुजाणावणियं वासनिक्खेवं करेह' । गुरू भणइ-'करेमो' । पुणो खमासमणेणं सीसो भणइ -'तुब्भे अम्हं वायणायरियपयअणुजाणावणियं चेइयाइं वंदावेह' । तओ गुरू 'वंदावेमो'त्ति भणित्ता, तस्स सिरे वासे खिविय वढतियाहिं थुईहिं तेण सहिओ देवे वंदइ । जाव पंचपरमिट्टित्थवभणणं पणिहाणगाहाओ य। तओ गुरू ० सीसो य वायणायरियपयअणुजाणावणियं सत्तावीसुस्सासं काउस्सग्गं दो वि करित्ता उज्जोयगरं भणंति । तओ सूरी उद्घटिओ नंदिकड्डावणियं काउस्सग्गं अट्टस्सासं कारवित्ता करित्ता य नवकारतिगं भणित्ता
1 'पूतित्वापन' इति A टिप्पणी। 2 'स्पृष्टे' इति A टिप्पणी।
Jain Education International
For Private & Personal Use Only
www.jainelibrary.org
| SR No. | 003393 |
| Book Title | Vidhi Marg Prapa |
| Original Sutra Author | N/A |
| Author | Vinaysagar |
| Publisher | Prakrit Bharti Academy |
| Publication Year | 2000 |
| Total Pages | 186 |
| Language | Hindi, Sanskrit |
| Classification | Book_Devnagari, Ritual, & Vidhi |
| File Size | 12 MB |