Vidhi Marg Prapa

SR No.: 003393
Original Sutra Author: N/A
Author: Vinaysagar
Publisher: Prakrit Bharti Academy
Publication Year: 2000
Total Pages: 186
Language: Hindi, Sanskrit
Classification: Book_Devnagari, Ritual, & Vidhi
File Size: 12 MB

Page 101

योगविधि । ६५३. इयाणि भगवईए विवाहपन्नत्तीए पंचमंगस्स जोगविहाणं-गणिजोगा छहिं मासेहिं छहिं दिवसेहिं आउत्तवाणएणं वच्चंति । तत्थ सुयक्खंघो नत्थि । अज्झयणाणि य सयनामाणि एकतालीसं । अंगं नंदीए उद्दिसिय पढमसयं उद्दिसिज्जइ । तत्थ उद्देसा १०; कालेण दो दो वचंति । एगंतरायामेणं दिणेहिं ५, कालेहिं ५ पढमसयं जाइ । एगंतरायाम जाव चमरो। बीयसए उद्देसा १०, नवरं पढमुद्देसओ खंदओ । तस्स अंबिलेण उद्देसो समुद्देसो य कीरइ । तओ जब उट्ठवेइ तो तंमि चेव दिणे तेण चेव कालेण । अणुजाणिय आयामं कारिजइ । अह न उडिओ, तो बीयदिणे बीयकालेण बीयअंबिलेण अणुजाणिजह । उट्टिओ त्ति पाढेणागओ। अणुण्णाए य तंमि अंबिले पविढे अग्गओ काउस्सग्गाइअणुट्ठाणं कीरइ । एत्य पंच दत्तीओ सपाणभोयणाओ भवंति । सेसा दो दो उद्देसा दिणे दिणे जंति। जाव नवमुद्देसो। एगंमि पंचमे दिणे दसमो सयं च । सवे दिणा ७, काला ७ । तइयसए वि उद्देसा १०; नवरं पढमदिवसे पढमकालेण पढमुद्देसयं मोयानामगमणुजाणिय, बीयकालेण चमरस्स उद्देसो समुद्देसो य कीरइ । सेर्स ।। तओ जइ उट्ठवेइ इच्चाइ जहा खंदए । दत्तीओ वि सपाणभोयणाओ पंच। केई चत्तारि भणंति । एवं चमरे अणुण्णाए पनरसहिं कालेहिं पनरसहिं दिणेहिं य गएहिं छट्ठजोगो लग्गइ । छट्ठजोगअणुजाणावणत्यं ओगाहिमविगइविसज्जणत्थं काउस्सग्गो कीरइ; नमोक्कारचिंतणं भणणं च । पंचनिधियाणि छटं निरुद्धं ४ । अन्ने छन्निधियाणि सतमं निरुद्धं ति भणति । तम्मि लग्गे संधूइयतक-तीमण-वंजणाइ तद्दिणकयं पि कप्पइ। तओ पुर्व एयमकप्पमासि । ओगाहिमविगई वि न उवहणइ । जहा दिट्ठिवाए मोयगो गुरुमाइकए आणेउं । पि कप्पइ । सेसा अट्ठ उद्देसा चउहि दिवसेहिं सएणसमं वच्चंति । सधे दिणा ७, काला ७ । चउत्थसए वि उद्देसा १०, दोहिं दिणेहिं वचंति । पढमदिणे ८, चत्तारि चत्तारि आइल्ला अंतिल्ल त्ति काऊण उद्दिसिजति, समुद्दिसिज्जंति, अणुन्नविजंति । बीयदिणे दो सएण समं वचंति । दिणा २, काला २ । पंचम-छट्ठसत्तम-अट्ठमसएसु दस दस उद्देसया दो दो दिणे दिणे जंति । चत्तारि वि वीसाए दिणेहिं कालेहिं य वच्चंति । अट्टसु सएसु काला ४१। नवमं दसमं एगारसं बारसं तेरसं चउदसमं च एयाइं 'छस्सयाई एकेककालेण ॥ बच्चंति । नवरं नवमसयमुद्दिसिय तस्सुद्देसा ३४ दुहाकाउं (१७+१७) पदममाइल्ला उद्दिसिज्जंति, तओ अंतिल्ला सयं च समुद्दिसिज्जंति। तो आइल्ला अंतिल्ला सयं च अणुन्नविज्जति । एवं सए सए नव नव काउस्सग्गा कीरति । एवं दसमसए वि उद्देसा ३४ दुहा (१७+१७); एक्कारसमे उद्देसा १२ दुहा (६+६); बारसमे तेरसमे चउदसमे य दस दस पत्तेयं पंच पंच दुहा कजंति। पनरसमं गोसालसयमेगसरं पढमदिणे उद्दिसिज्जइ । तओ जइ उट्ठिओ तो तम्मि चेव दिणे तेणेव कालेण आयंबिलेण य अणुजाणिज्जइ । अह न उडिओ, तो 'बीयदिणे बीयकालेण बीयअंबिलेण अणुजाणिज्जइ । 'इत्थ दत्तीओ तिन्नि तिन्नि सपाणभोयणाओ भवंति । गोसाले अणुनाए अट्ठमजोगो लग्गइ । तस्स अणुजाणावणत्थं काउस्सग्गो कीरइ । सत्त निबियाणि अट्ठमं निरुद्धं । अण्णे अट्ठ निधियाणि नवमं निरुद्धं । सेसाणि निधियाणि ति । गोसालयसए तेयनिसग्गावरनामगे अणुण्णाए निषियदिणे नंदिमाईणं वंदणय-खमासमण-काउस्सग्गपुवं उद्देसाई कीरंति । ते य इमे-नंदि १, अणुओग २, देविंद ३, तंदुलं ४, चंदवेज्झ ५, गणिविज्जा ६, मरण ७, ज्झाणविभत्ती ८, आउर ९, महा-" पञ्चक्खाणं च १० । गोसालो जो' जइ दत्तीहिं अलद्धियाहिं उवहओ ताहे उवहओ चेव । अह बहवे जोगवाहिणो ताहे ताण संबंधिणीओ घेप्पंति । गोसालाणुण्णं जाव एगूणवन्नासं काला ४९ हवंति । तदुवरि सेसाणि छवीससयाणि एक्वेक्केण कालेण वञ्चति । एएहिं २६ सह ७५ भवंति । एगेणंगं समुद्दिसिज्जइ । बीएण नंदीए अणुजाणिज्जइ । गणिसद्दपज्जंतं नामं च ठाविजइ । अंगस्स समुद्देसे अणुण्णाए य अंबिलं ।
1B विहीणं । 2 B इत्य। 3 चाति AI 4 BC .मयाइ। 5 नास्तिपदमेत A1 6B नास्ति 'इत्य'। 7 मास्ति'को A.ON