Page Text
________________
१९८
महानिशीथ - छेदसूत्रम् - ५ /-/ ८१२
महामई दुवाल - संग-सुयधारी भवेजा से णं अपक्खवाएणं अप्पाउक्खे भव्य सत्ते सुय अतिसएणं विन्नाय एक्कर सण्हं अंगाणं चोदसण्हं पुव्वाणं परमसार-नवणीय-नवनीय भूयं सुपउणं सुपद्धरुज्जयं सिद्धिमग्गं दसवेयालियं नाम सुयक्खंधं निऊहेज्जा से भयवं किं पडुच, गोयमा मनगं पडुचा जहा कहं नाम एयस्स णं मनगस्स पारंपरिएणं थेवकालेणेव महंत घोर दुक्खागराओ चउगइ संसारसागराओ निप्फेडो भवतु भवदुगुंठेवण न विणा सव्वनुवएसेणं से य सव्वनुचएसे अनोरपारे दुरवगाढे अनंत-गमपज्जवेहिं नो सक्का अप्पेणं कालेणं अवगाहिउं तहा णं गोयमा अइसए णं एवं चिंतेज्जा एवं से णं सेजंभवे जहा ।
मू. (८१३) अनंतपारं बहु जाणियव्वं अप्पो य कालो बहुले य विग्धे जं सारभूयं तं गिण्हयव्वं हंसो जहा खीरमिवंबु मीसं ।
मू. (८१४) तेणं इमस्स भव्व सत्तस्स मनगस्स तत्त-परित्राणं भवउ त्ति काऊणं जाव णं दसवेयालियं सुयक्खंधं निज्जूहेज्जा तं च वोच्छिन्नेणं तक्काल-दुवालसंगेणं गणिपिडगेणं जाव णं दूसमाए परियंते दुप्पसहे ताव णं सुत्तत्येणं वाएजा से य सयलागम-निस्संदं दसवेयालिय-सुयक्खंध सुत्तओ अज्झीहीय गोयमा से णं दुप्पसहे अनगारे तओ तस्स णं दसवेयालिय- सुत्तस्सानुगयत्थानुसारेण तहा चेव पवत्तेजा नो णं सच्छंदयारी भवेज्जा तत्थ य दसवेयालिय- सुयक्खंधे तकालमिणमो दुवालसंगे सुयक्खंधे पइट्ठिए भवेज्जा एएणं अद्वेणं एवं बुखइ जहा तहा विणं गोमाते एवं गच्छ ववत्थं नो विलंधिंसु ।
सू. (८१५) से भयवं जइ णं गणिणो वि अच्चंत विसुद्धा परिणामस्स वि केइ दुस्सीले सच्छंदत्ताए इवा गारवत्ताए इ वा जायाइमयत्ताए इ वा आणं अइक्कमेज्जा से णं किमाराहगे भवेज्जा गोयमा जे णं गुरु सम सत्तमित्त पक्खो गुरु-गुणेसुं ठिए सययं सुत्ताणुसारेणं चैव विसुद्धासए विहरेजा तस्साणमइक्कतेहि नव-नउएहिं चउहिं सएहिं साहूणं जहा तहा चेव अनाराहगे भवेज्जा ।
मू. (८१६) से भयवं कयरे णं ते पंच सए एक्क विवज्जिए साहूणं जेहिं च णं तारिस- गुणोववेयस्स महानुभागस्स गुरुणो आणं अइक्कमिउं नाराहियं गोयमाणं इमाए चैव उसभ- चउवीसिगाए अतीताए तेवीसइमाए चउवीसिगाए जाव णं परिनिव्वुडे चउवीसइमे अरहा ताव णं अइक्कतेनं केवइएणं काणं गुण-निम्फन्ने कम्मसेल-मुसुमूरणे महायसे महासत्ते महानुभागे सुगहिय-नामधे जे वइरे नामं गच्छाहिवई भूए तरस णं पंच-सयं गच्छं निग्गंधीहिं विणा निग्गंधीहिं समं दो सहस्से य अहेसि ता गोयमा ताओ निग्गंधीओ अच्चंत परलोग भीरुयाओ सुविसुद्ध निम्मलंतकरणाओ खंताओ दंताओ मुत्ताओ जिइंदियाओ अद्यंत भणिरीओ निय- सरीरस्सा वि य छक्काय- वच्छलाओ जहोवइट्ठ - अनंतघोर-वीर-तव-चरण- सोसिय-सरीराओ जहा णं तित्थयरेणं पन्नवियं तहा चेव अदीन-मनसाओ माया-मय- अहंकार - ममाकार रतिहास- खेड - कंदप्प नाहवाय विष्पमुक्काओ तस्सायरियस्स सगासे सामन्नमनुचरंति ते यं साहुणो सच्चे वि गोयमा न तारिसे मनागा अहन्नया गोयमा ते साहुणोतं आयरियं भांति जहा- जइ णं भयवं तुमं आणवेहिं ता णं अम्हेहिं तित्थरजत्तं करिय चंदप्पह- सामियं वंदिय धम्म चक्कं गेतूणमागच्छामो ताहे गोयमा अदीणमनसा अनुत्तावलगंभीर-महुरारू भारतीए भणियं तेनायरिएणं जहा इच्छायारेणं न कप्पइ तित्थजत्तं गंतुं सुविहियाणं ता जाव णं बोलेइ जत्तं ताव णं अहं तुम्हे चंदप्पहं वंदावेहामि अन्नं चजत्ताए गएहिं असंजमे
Jain Education International
For Private & Personal Use Only
www.jainelibrary.org
| SR No. | 003376 |
| Book Title | Agam Sutra Satik 39 Mahanishith ChhedSutra 6 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 170 |
| Language | Prakrit, Sanskrit |
| Classification | Book_Devnagari, Agam, Canon, Agam 39, & agam_mahanishith |
| File Size | 4 MB |