Page Text
________________
अध्ययनं : ८, (चूलिका-२)
२५७
बंधवे खणद्धमविणं सक्कुणोमि ता किं कायव्वं संपयमम्हेहिं ति चिंतिय-मानस्सेव आगया गोउलाहिवइणो भजा खइयग-विक्किणत्थं तस्ल गेहे जाव णं गोविंदस्स भज्जाए तंडुल-मल्लगेणं पडिगाहियाओ चउरो घण- विगइ-मीस- खइयगं गोलियाओ तं च पडिगाहियमेत्तमेव परिभुत्तं डिंभेहिं भणियं च महयरीए जहा णं भट्टिदारिंगे पयच्छाहि णं तमम्हाणं तंदुल-मल्लगं चिरं वट्टे जेम्हे गोउलं वयामो तओ समाणत्ता
गोयमा तीए माहणीए सा सुनसिरी जहा णं हला तं जं अम्हाण नरवइणा निसावयं पहियं पेहियं तत्थ जं तं तंदुल मल्लगं तमाणेहिं लहुं जेमाहमिमीए पयच्छामि जाव ढुंढिऊण नीहरिया मंदिरं सा सुसिरी नोवलद्धं तंदुल - मल्लगं साहियं च माहणीए पुणो वि भणियं माहणीए जहाहला अमुगं अमुगं थामनुहुया अन्नसिऊणमाणहिं पुणो वि पइट्टा अलिदेगे जाव णं न पेच्छे ताहे समुट्ठिया सयमेव सा माहणी जाव णं तीए वि न दिवं तओ णं सुविम्हिय माणसा निउण अत्रेसिडं पयत्ता जाव णं पेच्छे गणिगा-सहायं पढमसुवयं परिक्के ओदनं समुद्दिसमाणं तेनावि पडिदडुं जननी अगच्छमाणी चिंतियं अहन्त्रेणं जहा णं चलिया अम्हाणं ओयणं अवहरिउकामा पायमेसा ताजइ इहासन्नामागच्छिही तओ अहमेयं वाबाइस्सामि त्तिं चिंतिय तेनं भणिया दूरासन्ना चेव महाय सद्देणं सा माहणी जहा णं भट्टिदारगे जइ तुं इहयं समागच्छिहिसि तओ मा एवं तं वोच्चिया जहा णं नो परिकहियं निच्छयं अहयं ते वावाइस्सामि एवं च अनिट्ठ-वयणं सोचाणं वज्रासणिपहया इव धस मुच्छिऊणं निवडिया धरणि-वडे गोयमा सा माहणी त्ति तओ णं तीए महयरिए परिवालिऊणं कंचि कालक्खाणं वृत्ता सा सुज्झसिरी जहा णं हलाहला कन्नगे अम्हाणं चिरं वट्टे ता भणसु सिग्धं नियजणणि जहा णं एह लहुं पयच्छु तमम्महाणं तंदुल मल्लगं विप्पणङ्कं तओ णं मग्ग-मल्लगमेव पयच्छसु ताहे पविट्ठा सा सुज्जसिरि अलिदगे जाव णं दवणं तमवत्थं तरगयं निचेडुं मुच्छिरं तं पाहणी महया हा-हा खेणं धाहाविडं पयत्ता सा सुज्जसिरि तं चायन्त्रिऊणं सह परिवग्गेणं वाइओ सो माहणो महयरी य तओ पवणजलेणं आसासिऊणं पुट्ठा सा तेहिं जहा भट्टिदारगे किमेयं किमेयं ति
तीए भणियं जहा न मा मा अत्तानगं दरमएणं दीहेणं खावेह मा मा विगय-जलाए सरीरए वुब्भेह मा मा अरज्जुएहिं पासेहिं नियंतिए मजझामा हेणाणप्पेह जहा णं किल एस पुत्ते एसा धूया एस णं नत्तुगे एसा णं सुहा एस णण जामाउगे एसा गं माया एस णं जणगे एसो भत्ता एस णं इट्ठे मिट्ठेपिए -कंत सुह-सयण मित्त-बंधु-परिवग्गे इहई पञ्चक्खमेवेयं वि दिट्ठे अलिय-मलिया चेवेसा बंध्यासा स- कज्जत्थी चेव संभयए लोओ परमत्थओ न केइ सुही जाव णं सकजं ताव णं माया ताव णं जगे ताव णं धूया ताव णं जामाउगे ताव णं नत्तुगे ताव णं पुत्ते ताव णं सुण्हा ताव णं कंता तावणं इट्ठे मिट्ठे पिए कंते सुही-सयण-जण- मित्त-बंधु-परिवग्गे सकज्जसिद्धी विरहेणं तु न कस्सई काइ माया न कस्सई केइ जणगे न कस्स इकाइ धूया न कस्सई केइ जामाउगे न कस्सई केइ पुत्ते न करसई काइ सुण्हा न कस्सई केइ भत्ता न कस्सई केइ कंता न कस्सई केइ इट्ठे मिट्ठे पिए-कंतेसुही सयणजन मित्त-बंधु-परिवग्गे जे णं ता पेच्छ पेच्छ मए अनेगोवाइयसउलद्धे साइरेग-नवमासे कुच्छीए वि धारिऊणं च अणेग-मिट्ठ महुर-उसिण- तिक्ख गुलिय-सणिद्ध - आहार- पयाण
23 17
Jain Education International
For Private & Personal Use Only
www.jainelibrary.org
| SR No. | 003376 |
| Book Title | Agam Sutra Satik 39 Mahanishith ChhedSutra 6 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 170 |
| Language | Prakrit, Sanskrit |
| Classification | Book_Devnagari, Agam, Canon, Agam 39, & agam_mahanishith |
| File Size | 4 MB |