________________
जीतकल्प-छेदसूत्रम् - (२)
'संवरविनिज्जराओ' उभयमवि 'मोक्खस्स पहो' मग्गो हेऊ मोक्खकारणं मोक्खमग्गो त्ति । 'तासिं' पुन संवरविनिजराणं 'तवो पहो' हेऊ कारणं ति । तस्स य 'तवस्स पहाणमंगं पच्छित्तं', जेन पच्छित्ते दुवालसविहो वि तवो अनुवत्तइ । तवस्सकारणंपहाणंपच्छितं । तवोकारणंसंवरविनिज्जराणं । संवरविनिज्जराओ मोक्खस्स कारणमिति । 'जं च नाणस्से' त्ति उत्तरगाहाए सह संवज्झए । मू. (३) सारो चरणं, तस्स वि नेव्वाणं, चरण- सोहणत्थं च । पच्छित्तं, तेन तयं नेयं मोक्खत्थिनाऽवस्सं ॥
९६
चू. सामाइयाइयस्स बिन्दुसारपज्जवसाणस्स नाणस्स 'सारो चरणं' । चरणस्स पुन निव्वाणं सारो । निव्वाणस्स अनंतरकारणं चरणं, कारणकारणं नाणं । चरणस्स कारणं नाणमनंतरं । नाणाओ चरणं; चरणाओ निव्वाणं ति । नाणविसुद्धीए चरण विसुद्धी, चरणविसुद्धीए निव्वाणफलावत्ती भवइ । चरणविसुद्धी पुन पच्छित्ताहीणा । अओ निव्वाणचरणऽत्थिणा पच्छित्तं 'नेयं' जाणियव्व अवस्सं भवइ । भू. (४)
तं दसविहमालोयण पडिकमणोभय विवेग वोस्सग्गे तव छेय मूल अनवट्टया य पारञ्चिए चैव ॥
चू. तमिति अनंतरगाहानिद्दिवं पच्छित्तं सव्वनामसद्देण सम्बज्झइ । 'तं' पच्छित्तं 'दसविहं' दसमेयं दसविकप्पं । तं जहा- आलोयणारिहं, पडिक्कमणारिहं, तदुभय-विवेगोसग्गारिहं, तवारिहं, छेयारिहं, मूलारिहं, अणवट्ठप्पारिहं, पारंचियारिहं चेति । तत्थ य आलोयणारिहं-आ मज्जायाए वट्टइ । का सा मज्जाया ?
जह बालो जंपतो कज्जमकज्जं च उज्जुओ उज्जुओ भणइ । तंत आलोजा माया-मय-विप्पमुक्को उ ॥
एसा मज्जाया । आलोयणं पगासीकरणं समुदायत्थो । गुरुपच्चक्खीकरणं मज्जायाए । जं पावं आलोइयमेत्तेणं चेव सुज्झइ, एयं आलेयणारिहं |१| पडिक्कमणारिहं-जं मिच्छादुक्कडमेत्तेन चेव सुज्झइ न आलोइज्जइ; जहा सहसा अनुवउत्तेणं खेलसिघाणाइयं परिट्ठवियं नय हिंसाइयं दोसमावन्नो तत्थ मिच्छादुक्कडं भणइ, एयं पडिक्कमणारिहं । २ । तदुभयारिहं-जं पडिसेविय गुरूणो आलोइञ्जइ, गुरुसंदिट्ठो य पडिक्कमइ त्ति पच्छा मिच्छा दुक्कडं ति भणइ, एयं तदुभयारिहं । ३ । विवेगारिहंविगिंचमाणो विहीए तमइयारं सोहेइ जत्थ, एयं विवेगारिहं । ४ । विउसग्गारिहं-जंकायचेट्ठानिरोहोवओगमेत्तेण चेव सुज्झइ, जहा पुस्तुनणाइयं, एयं विउसग्गारिहं । ५ । तवारिहं-जम्मि पडिसेविए निव्वीयाइओ छम्मासपज्जवसाणो तवो दिज्जइ, एयं तवारिहं । ६ । छेयारिहं-जम्मि य पडिसेविए संदूसियपुव्यपरियायदेसावछेयणं कीरइ, नाणावि-हवाहिसं दूसियंगोवंगछेयणमिव सेससरीरावयवपरिपालणत्थं, तहेहावि सेसपरियायरक्खणत्थं, एयं छेयारिहं । ७| मूलारिहं-जेन पडिसेविएन पुनो महव्वयारोवण निरवसेस परियायावणयनानंतरं कीरइ, एयं मूलारिहं । ८। अनवट्ठप्पारिहंजम्मि पडिसेविए उवट्ठावणा अजोगो, कंचि कालं न वएसु ठाविज्जइ; जाव पइविसिट्ठतवो न चिन्नो, पच्छाय चिन्नतवो तद्दोसोवरओ वएसु ठाविज्जइ; एयं अनवट्टप्पारिहं । ९ । पारंचियारिहंअंचुगइ-पूयणेसु, पारं अञ्चइ तवाईणं जम्मि पडिसेविए लिंगखेत्तकालविसिट्ठाणं, तं पारंचियारिहं |१०| एस एस संखेवओ पिण्डत्थो दसह वि पयाणं भणिओ । सट्ठाणे सट्ठाणे वित्थरेण वि
Jain Education International
For Private & Personal Use Only
www.jainelibrary.org