________________
महानिशीथ - छेदसूत्रम् - ५/-/८४४
चेड-तक्करा - सरिस - जातीसु मुज्झियं खर-सीस- पुंछ- कन्न-ट्ठिमयगयं उच्चिट्टं वल्लूरखंडं तं समुद्दिसिउं समारद्धा तहा तेसु चेव उच्चिट्ठ-कोडियगेसुं जं किंचि नाहीए मज्झं वित्थक्के तमेवासाइउमारद्धा एवं च कइवय-दिनाइकमेणं मज्जमंसोवरिं दढं गेही संजाया ताहे तस्सेव रस-वाणिज्जगस्स गेहाओ परिमसिऊणं किंचि-कंस-दूस - दणिय- जायं अन्नत्य विक्किणिऊणं मज्जं मंसं परिभुंजइ ताव णं विन्नायं तेन रसवाणिज्जगेणं साहियं च नरवइणो तेना वि वज्झा-समाइट्ठा तत्थ य रायउले एसो गोमाकुल- धम्मो जहा णं जा काइ आवन्न- सत्ता नारी अवराह-दोसेणं सा जाव णं नो पसूया तावणं नो वावायव्वा तेहिं विनिउत्त-गणिगिंतगेहिं सगेहे नेऊण पसूइ समयं जाव नियंतिया रक्खेयव्वा अहन्नया नीया तेहिं हरिएस-जाईहिंस-गेहं कालक्कमेण पसूया य दारगं तं सावज्जायरिय जीवंतओ पसूयमेत्ता चैव तं बालयं उज्झिऊण पणट्ठा मरणभयाहितत्था सा गोयमा दिसिमेकं गंतूणं वियाणियं च तेहिं पावेहिं जहा पणट्ठा सा पाव-कम्मा साहियं च नरवइणो सूणाहिवइणा जहा णं देव पणट्ठा सा दुरायारा कयली-गब्भोवमं दारगमुज्झिऊणं रन्ना वि पडिभणियं जहा णं जइ नाम सा गया ता गच्छउ तं बालयं पडिवालेज्जासु सव्वहा तहा कायव्वं जहा तं बालगं न वावजे गिसु इमे पंच सहस्सा दविण जायस्स तओ नरवइणो संदंसेणं सुयमिव परिवालिओ सो पंसुलीतणओ अन्नया कालक्कमेणं मओ सो पाव- कम्पो सणाहिवई तो रन्ना समनुजाणियं तस्सेव बालगस्स घरसारं कओ पंचण्हं सयाणं अहिवई तत्थ य सुणाहिवइ पए पइट्ठिओ समाणो ताई तारिसाई अकरणिजाई समनुट्ठित्ताण गओ सो -
२१०
गोयमा सत्तमी पुढवीए अपइट्ठाण नामे निरयावासे सावज्जायरिय-जीवो एवं तं तत्थ तारिसं घोर-पचंड-रोद्दं सुदारुणं दुक्खं तेत्तीसं सागरोवमे जाव कह कहवि किलेसेणं समनुभविऊणं इहागओ समाणो उववन्नो अंतरदीवे एगोरुयजाई तओ वि मरिऊणं उववन्नो तिरिय-जोणीए महिसत्ताए तत्थ य जाई काई वि नारग- दुक्खाई तेसिं तु सरिस-नामाई अनुभविऊणं छब्वीसं संवच्छराणि तओ गोयमा मओ समाणो उववन्नो मनुएसु तओ वासुदेवत्ताए सो सावज्जायरियजीवो तत्थ वि अहाऊयं परिवालिऊणं अनेग-संगामारंभ-परिग्गह-दोसेणं मरिऊणं गओ सत्तमाए तओ वि उव्वट्टिऊणं सुइर-कालाओ उववन्नो गय-कन्नो नाम मनुय-जाई तओ वि कुणिमाहारदोसेणं क्रूरज्झ-वसायमईगओ मरिऊणं पुणो वि सत्तमाए तेहिं चेव अपइट्ठाणे निरय-वासे तओ वि उव्वट्टिऊणं तिरिएसु महिसत्ताए तत्था वि णं नरगोवमं दुक्खमनुभवित्ता णं मओ समाणो उववन्नो बाल-विहवाए पंसुलीए माहण-धूयाए कुच्छिसि अहन्नया निउत्त-पच्छन्न- गब्म साडणपाडणे खार-चुन्नजोगदोसेणं अनेगवाहि-वेयणा-परिगय-सरीरो सिडिहिडंत-कुट्ठ-वाहिए परिगलमाणो सलसलित-किमिजालेणं खजंतो नीहरिओ नरओवमं घोर दुक्ख निवासो गब्भवासाओ गोयमा सो सावज्जायरियजीवो तओ सव्व-लोहेंहि निंदिज्रमाणो गरहिज्रमाणो खिसिजमाणो दुर्गाछिजमाणो सव्व-लोअपरिभूओ पान खाण-भोगोवभोग- परिवज्जो गब्भवास-पभितीए चेव विचित्तसारीर-मानसिग-घोर - दुक्ख संतत्तो सत्त-संवच्छरसयाई दो मासे य चउरो दिने य जावज्जीविऊणं मतो समाणो उववन्नो वाणमंतरेसुं तओ चुओ उववन्नो मनुएसुं
पुणो वि सूणाहिवइत्ताए तओ वि तक्कम्मदोसेणं सत्तमाए तओ वि उव्वट्टेऊणं उववन्नो तिरिएसुं चक्कियघरंसि गोणत्ताए तत्थ य चक्क-सगड-लंगलायट्टणेणं अहन्निसं जूवारोवणेणं पच्चिऊणं
Jain Education International
For Private & Personal Use Only
www.jainelibrary.org
-