________________
अध्ययनं : ५, उद्देशक :
१९९
पडिवज्जइ एएणं कारणेणं तित्थयत्ता पडिसेहिज्जइ तओ तेहिं भणियं जहा भयवं केरिसो उन तित्थयत्ताए गच्छमाणाणं असंजमो भवइ सो पुन इच्छायारेणं बिइज्ज- वारं एरिसें उल्लावेज्जा बहुजणं वाउगो भन्निहिसि ताहे गोयमा चिंतिय तेनं आयरिएणं जहा णं ममं वइक्कमिय निच्छयओ एए गच्छिहिंति तेनं तु मए समयं चडुत्तरेहिं वयंति अहन्नया सुबहुं मनसा संधारेऊणं चेव भणियं तेनं आयरिएणं
जाणं तु किंचि वि सुत्तत्यं वियाणह च्चिय ता जारिसं तित्थयत्ताए गच्छमाणाणं असंजमं भवइ तारिसं सयमेव वियाणेह किं एत्थ बहु-पलविएणं अन्नं च विदियं तुम्हेहिं पि संसारसहावं जीवाइयपत्थ-ततं च अहन्नया बहु उवाएहिं णं विणिवारिंसत्त वि तस्सायरियस्स गए चेव ते साहुणो णं कुद्धेणं कयंतेनं पेरिए तित्थयत्ताए तेसिं च गच्छमाणाणं कत्थइ अणेसणं कत्थइ हरियकाय संघट्टणं कत्थइ बीयक्कमणं कत्थइ पिवीलि-यादीणं तसाणं संघटण - परितावणोद्दवणाइसंभवं कत्थइ बइट्ठपडिक्कमणं कत्थइ न कीरए चेव चाउक्कालियं सज्झायं कत्थइ न संपाडेज्जा मत्तभंडोवगरणस्स विहीए उभय-कालं पेह-पमजण-पडिलेहण-पक्खोडणं किं बहुना गोयमा केत्तियं भन्निहिई अट्ठारसण्डं सीलंगसहस्साणं सत्तरस विहस्स णं संजमस्स दुवालसविहस्स णं सब्यंतरबाहिरस्स तवस्स जाव णं खंताइ- अहिंसा - लक्खणस्सेव य दस-विहस्साणगार-धम्मस्स जत्तेक्केक्कपयं चैव सुबहुएणं पि कालेणं थिर-परिचिएण दुवालसंग महासुयक्खंघेण बहु-भंग-सय-संघत्तणाए दुक्ख निरइयारं परिवालिऊणं जे एयं च सव्वं जहा भणियं निरइयारमुट्ठेयं ति एवं संसरिऊण चिंतिय तेनं गच्छाहिवइणा जहा णं मे विप्परोक्खेणं ते दुट्ठ-सीसे मज्झं अनाभोग-पञ्चएणं सबहु असंजमं काहिंति त च सव्वं मे मच्छंतियं होही जओ णं हं तेसिं गुरू ता हं तेसिं पट्ठीए गंतूणं ते पडिजागरामि जेणाहमेत्थ पए पायच्छित्तेणं नो सबंज्झेज्ज त्ति वियप्पिऊणं गओ सो आयरिओ तेसिं पट्ठीए जाव णं दिट्ठो तेनं असमंजसेणं गच्छमाणे
ताहे गोयमा सुमहुर- मंजुलालावेगं भणियं तेनं गच्छाहिवइणा जहा भो भो उत्तमकुल-निम्मलवंस - विभूसणा अमुग-पमुगाई - महासत्ता साहू उप्पहपडिवत्राणं पंच- महव्वया - हिट्ठिय-तणूणं महाभागाणं साहु साहुणीणं सत्तावीसं सहस्साइं थंडिलाणं सव्वदंसीहिं पन्नताइं ते य सुउवउत्तेहिं विसोहिज्जूंति न उणं अणोवउत्तेहिं ता किमेयं सुन्नासुन्नीए अनोवउत्तेहिं गम्मइ इच्छा-यारेणं उवओगं देह अन्नं च - इणमो सुत्तत्थ किं तुम्हाणं विसुमरियं भवेज्जा जं सारं सव्व- परम तत्ताणं जहा एगे बेइंदिए पाणी एगं सयमेव हत्येणं वा पाएण वा अन्नयरेणं वा सलागाइ अहिगरण-भूओवगरणजाण जेणं केई संघट्टेखा संघट्टावेजा वा एवं संघट्टियं वा परेहिं समनुजाणेज्जा से णं तं कम्पं जया उदिन्नं भवेज्जा तया जहा उच्छु-खंडाई जंते तहा निप्पीलिजमाणा छम्मासेणं खवेज्जा एवं गाढे दुवालसेहि संवच्छरेहिं तं कम्मं वेदेज्जा एवं अगाढपरियावणे वास-सहस्सं गाढ- परयावणे दसवास-सहस्से एवं अगाढ-किलावणे वास-लक्ख गाढ- किलावणे दस-वास-लक्खाई उद्दवणे वासकोडी एवं तेइंदियाईसुं पिनेयं ता एवं च वियाणमाणा मा तुम्हे मुज्झ्ह त्ति एवं च गोयमा सुत्तानुसारेणं सारयंतस्सावि तस्सायरियस्स ते महा-पावकम्मे गम-गमहल्लप्फलेणं हल्लोहल्लीभूएणं तं आयरियाणं वयणं असेस पाव-कम्मट्ठ- दुक्ख-विमोयगं न बहु मन्नंति ताहे गोयमा मुणियं तेनायरिएणं जहानिच्छयओ उम्मग्गपट्ठिए सव्वपगारेहिं चेव इमे पावमई दुट्ठ-सीसे ता किमट्ठमहमिहेसिं पट्ठीए
Jain Education International
For Private & Personal Use Only
www.jainelibrary.org