________________
मूलं- ९७
अवराहेसु उभयलिंगेणावि पारंची। मू. (९८)
१२३
वसहि-निवेसन- वाडग- साहि-निओग-पुर-देस- रज्जाओ । खेत्ताओ पारंची कुल-गण-संघालयाओ वा ॥ जत्थुष्पन्नो दोसो उप्पज्जिस्सइ य जत्थ नाऊणं । तत्तो तत्तो कीरइ खेत्ताओ खेत्त पारंची ॥
मू. (९९)
चू. खेत्तपारञ्चिओ जो जम्मि खेत्ते दूसिओ अच्छमाणो वा दोसं पावेज्जा । वसहीए एवं निवेसणपाडग-साही - निओग-पुर-देस-रज्जाओ य जत्थ जत्थ दोसमावनो आवज्जिस्सइ वा ताओ ताओ खेत्तपारश्चिओ कीरइ । पू. (१००)
जत्तिय - मेत्तं कालं तवसा पारंचियस्स उ स एव । कालो दु-विगप्पस्स वि अनवट्टप्पस्स जोऽभिहिओ ।।
चू. जो जावईयं कालं अनुवसंतदोसो, दूसइ वा जावईयं कालं सो कालपारंचिओ । तवसा पारंचिओ दुविहो- आसादनापारंचिओ, पडिसेवणापारंचिओय । आसायणापारंचिओ तित्थगराइ | विभासा पुव्वभणिया । पडिसेवणापारंचिओ तिविहो- दुट्टे पारंचिए, पमत्ते पारंचिए, अन्नमन्नं करेमाणे पारंचिए । दुट्ठो दुविहो- कसायविसएहिं पुव्वभणिओ । पमत्तो पारंचिए- 'कसायविगहा -वियड-इंदिय-निद्द-पमाय इति । एए भाणियव्वा वित्थरओ । अन्नमन्नं करेमाणो पुव्वभणिओ। आसायणापारंचिओ जहन्नेन छम्मासा, उक्कोसेण संवच्छरं । पडिसेवणा-पारंचिओ जहन्त्रेण बारसमासे उक्कोसेणं बारसवासा । संघयणाइया गुणा जहा अणवट्टप्पे तवो वि तह चेव । एगागी खेत्त - बहिं कुणइ तवं सु-विउलं महासत्तो । अवलोयणमायरिओ पइ-दिनमेगो कुणइ तस्स ।।
पू. (१०१)
चू. जिनकप्पियपडिरूविओ खेत्तबाहिं ठाइ अद्धजोयणबाहिरओ । जओ विहरइ आयरिओ ओ ओ सो वि विहरइ । खेत्तओ बाहिरओ ठियस्स आयरिओ पइदिवसं अवलोयणं करेइ । सुत्तत्थपोरिसीओ दोत्रि वि दाउं गच्छइ तस्स समीवं । अहवा अत्थपोरिसिं अदाउं गच्छइ । अहवा दोन्निवि अदाऊण गच्छइ । अहवा दुब्बलो, असमत्यो तद्दूरं गंतुं, कुलाइकज्जेहिं वा वावडी, ताहे गीत्थं सीसमन्नं वा पेसेइ । भत्तपाणं चायरियस्स आयरियपेसवियस्स वा अगिलाणो सयमेव करेइ । अह गिलाणो तो आयरिओ अन्नो वा से भत्ताइ आहारइ उव्वत्तणाइयं पि से कुणइ । सुत्तत्थेस आयरिओ अन्नो वा से पडिपुच्छगं देइ । एवमेयं संखेवपारंचियारिहं भणियं । यू. (१०२) अनवट्टप्पो तवसा तव पारंची य दो वि वोच्छिन्ना ।
चोद्दस - पुव्वधरम्मी, धरंति सेसा उ जा तित्थं ॥
चू. तव अनवटुप्पो तवपारंचिओ य भद्दबाहुसामिम्मि चरिमचउद्दस पुव्वधरे दो वि वोच्छिन्ना । लिंग-खेत्त-कालाणवट्टप्प-पारंचिया ताव अनुसज्जिज्जंति जाव तित्थं ।
मू. (१०३)
इय एस जीयकप्पो समासओ सुविहियानुकंपाए । कहिओ, देयोऽयं पुन पत्ते सुपरिच्छिय-गुणम्मि ।।
चू. इतिकरणो परिसमत्तिवयणो । एस इति अनंतरुद्दिट्ठो जीयकप्पो जीयववहारो कप्पो । वण्णणा परुवणय त्ति एगट्ठा। समासओ संखेवओ । सोहणं विहियं जेसिं नाणाइयं ते सुविहिया
Jain Education International
For Private & Personal Use Only
www.jainelibrary.org
