________________
मूलं - ४४
१०९
आभोगओत्ति बहुसो - अइप्पमो य निव्विगई ॥
चू. सहसानाभोगा पुव्युत्ता । तेसु सहसानाभोगेसु वट्टमाणस्स जेसु जेसु कारणेसु पडिक्कमणं भणियं तेसु तेसु चैव कारणेसु आभोएणं जाणमाणो जं करेइ, अइबहुसो पुनो पुनो अइप्पमाणेण वा करेइ, सव्वत्थ निव्विगइयं ।
पू. (४५)
धावण- डेवण- संघरिस-गमन-किड्डा-कुहावणाईसु।
उक्कुट्ठि- गीय- छेलिय-जीवरुयाईसु य चउत्थं ॥
-
चू. धावणं गइभेदो । डेवणं उल्लंडणं । संघरिसेण गमनं को सिग्घगइ त्ति, जमलिओ वा गच्छइ । किड्डा अट्ठावय- चउरंग-जूयाइ। कुहावणं इंदजाल - वट्टखेड्डाइ । आइसद्देन समास-पहेलियाकुहेडगा घेप्पंति । उक्कुट्ठा पुक्कारिय-कलकलो । गीयं गीयमेव । छेलियं सेंटिंयं । जीवरूयं मयूर - तित्तिर- सुग-सारसादिलवियं सव्वेसेतेसु अब्भत्तट्ठो । आइसद्देन अजीवरूये वि- अरहट्ट-गड्डियापाउया-सद्देसु वि । मू. (४६)
तिविहोवहिणो विच्छुय-विस्सारियऽ पेहियानिवेयणए । निव्वीय- पुरिममेगासणाइ, सव्वम्मि चायामं ॥
चू. तिविहोवणो-जहन्नो मज्झिमो उक्कोसो। मुहपोत्तिय-पायकेसरिया गोच्छगो पत्तठवणंच एस चउव्विहो जहन्नो । मज्झिमो छव्विहो - पडलारयत्ताणं पत्ताबंधो चोलपट्टी मत्तओ रयहरणं च । उक्कोस चउव्विहो - पडिग्गहो, तिन्नि पच्छाया । एए ओहियस्स थेरकप्पे चोदसभेया भणिया । इदानं उवग्गहिओ थेरकप्पो तिविहो भन्नइ - जहन्नो मज्झिमो उक्कोसो | पीढगं डंडगा पमजणी घट्ठगा डगलगा पिप्पलग-सूई नहरणी दंत- कण्ण-सोहणग-दुगं; एसो जहन्नो । वासताणाइओ मज्झिमगो । वासताणा पंच इमे वालो सुत्तो सुंगो कुडसीसग छत्तए चेव ॥
तेहिं य दोन्निओ ओहोवहिम्मि वाले य सोत्तिए चेव ।
सेसतियवसाताणे पणयं तह चिलिमिलीण इमं ॥
वालमई सुत्तमई वागमई तहय डंडकडगमई । संथारगदुगमझुसिरं झुसिरं पिय डंडपणगं च ॥ डंड- विडंडग- लट्ठि-विलट्ठी तह नालिया य पंचमिया । अवलेहणि-मत्त-तिगं पासवणुच्चारखेले य ॥ चम्मतियऽत्थुर पाउर तलिग अहवावि चम्मतिविहमिमं । कत्तीतलियावब्भा पट्टगदुगं चेव होइ इमं ॥ संथारूत्तरपट्टी अहवा सन्नाहपट्टपल्हत्थी । मज्झो अजाणं पुन अइरित्तो वारगो होइ ॥ अक्खा संथारो वा दुविहो एगंगिओ य इयरो वा । बिइयपय पोत्थपणगं फलगं तह होइ उक्कोसो ।।
एस अज्जाणं साहूणं चोग्गहिओ भणिओ । इदानिं अज्जाणं ओहिओ भन्नइ । जो च्चिय थेरकप्पियाण ओहोवही चोद्दसविहो सो चेव अज्जाणं पि । नवरं
-
अज्जाणं एस च्चिय चालट्ठाणम्मि कमढगं नवरं । अन्नो य देहलग्गो इमोवही होइ तासिं पि ॥ ओग्गहनंतपट्टी अट्टोरुगचलणिया य बोधव्वा । अब्धिंतरबाहि-नियंसणीय तह कंचुए चेव ॥
For Private & Personal Use Only
www.jainelibrary.org
Jain Education International