________________
स्तुति तरंगिणी सम्म कम्ममहामहीहरसिहा-संहार-दंभोलिणा, धम्मो जेग महीयले पयडिओ निवाण सुक्खक्वणो । मज्जंताण भवंधकूपकुहरे जंतूण रज्जूवमो, सो धम्मो जिणपुंगवो भयहरो मे होउ पन्हारसो ॥१५॥ देवीए अइराइ कुच्छिकमले हंसंमि जंमिट्ठिए, सव्वट्ठाउ चुए गयासिवमयं सवपि जायं जयं ।। चत्तालीस-धणुच्छिओ सियजसो तित्थंकरो सोलसो, सो मे मोह-बलं दलेउ सयलं सती पसंतासुहो ॥१६॥ कुंथू हथि-पसस्थमंथरगई कुंथू पसत्थोवमो, कुंथू दुत्थियसत्थसुत्थियकरो कुंथू थिरत्थागमो । कुंथू घत्थसमत्थमोहापडलो कुंथू महत्थत्थूई, कुंथू घारमडो जएय विजए सत्तारसो सो जिणो ॥१७॥ मोहच्छेयकरो जरामरहरी संसुत्थकित्तीभरो, भग्गाणगसरो विमुक्कसमरो विनाणनाणामरो । तेलुकिकदिवाकरो गुणकरो जो पक्क-बिबाहरो, नाणाचुज्जकरो अरो जिणवरो मे होउ अट्ठारसो ॥१८॥ जो उदंडसिहंडमंडलगणच्छायाणु-रूवच्छवी, नित्तल्ला धवलेइ जस्स सयलं कित्ती धरित्तीतलं । हेलं भूलियवज्ज-वल्लिबलओ निम्मुल्लसोहाभरो, निभासेउ सकम्म जल्लससमं मल्ली महलोदओ ॥१९॥
Jain Education International
For Private & Personal Use Only
www.jainelibrary.org
