________________
चतुर्थ तिजयपटुत्तस्मरणम् ।
पंचदसकम्मभूमिसु, उत्पन्न सत्तरी जिणाण सयं । विविहरयणाइवन्नो- वसोहिअं हर दुरिआई ॥ ९ ॥ चउतीसअहसजुआ, अट्टमहापाडिहेरकय सोहा । तित्थयरा गयमोहा, झाएअव्वा पयत्तेणं ॥ १० ॥ ॐ वरकणय संखविममरगयघणसन्निहं विगयमोहं । सत्तरिसयं जिणाणं, सव्वामरपूइअं वंदे ॥ स्वाहा ॥ ११॥ ॐ भवणवइवाणवंत रजोइसवासी विमाणवासी अ । जे के विदुदेवा, ते सच्चे उवसमंतु ममं ॥ स्वाहा ॥ १२ ॥ चंदणकप्पूरेणं, फलए लिहिऊण खालिअं पीअं । एगंतराइगह भूअसाइणिमुग्गं पणासेइ ॥ १३ ॥ इअ सत्तरिसयजंतं, सम्मं मंतं दुवारि पडिलिहिअं । दुरिआरिविजयवंतं, निन्तं निचमह ॥ १४ ॥
पञ्चमं नमिऊ स्मरणम् ।
नमिऊण पणयसुरगणचूडामणिकिरणरंजिअं मुणिणो । चलणजुअलं महाभयपणासणं संथवं वुच्छं ॥ १ ॥ सडियकरचरणनहमुह - निबुडुनासा विवन्नलायन्ना । कुट्टमहारोगानल फुलिंगनिद्दड्ढसव्वंगा ॥ २ ॥ ते तुह चलणाराहणसलिलंजलिसेयवढिउच्छाहा । arदवदड्ढा गिरिपायव व पत्ता पुणो लच्छि ॥ ३ ॥ दुव्वायखुभियजलनिहि उन्भडकल्लोल भीसणारावे' संभंतभयविसं ठुलनिज्जामयमुक्कवावारे ॥ ४ ॥
Jain Education International
For Private & Personal Use Only
www.jainelibrary.org
