________________
१५८
नवस्मरणादिसन्हे चोदसपुव्वीण णमो, आयरियाणं तहणपुवीण। वायगवसहाण णमो, णमो य एगारसंगीणं ॥३१॥ आयारधराण णमो धारिज्जइ जेहिं पवयणं सयलं । णाणधराणं ताणं आयरियाणं पणिवयामि ॥३२॥ णाणायारघराणं दसण-चरणे विसुद्धभावाणं । तव-विरियधराण णमो आयरियाणं सुधीराणं ॥३३॥ जिणवयणं दिप्पंतं दीवंति पुणो पुणो ससत्तीए । पवयणपभासयाणं आयरियाणं पणिवयामि ॥३४॥ गूढं पवयणसारं अंगोवंगे समुद्दसरिसम्मि। अम्हारिसेहिं कत्तो तं णजह थोयबुद्धीहिं ? ॥३५॥ तं पुण आयरिएहिं पारंपरएण दीवियं एत्थ । जह होंति ण आयरिया को तं जाणेज सारमिणं ?॥३६॥ सूयणमेत्तं सुत्तं, सूइज्जइ केवलं तहिं अत्थो । जं पुण से वक्खाणं तं आयरिया पयाति ॥३७॥ बुद्धीसिणेहजुत्ता आगमजलणेण सुटु दिपंता। कह पेच्छउ एस जणो सूरिपईवा जहिं त्थि ? ॥३८॥ चारित-सीलकिरणो अण्णाणतमोहणासणो विमलो। चंदसमो आयरिओ भविए कुमुए व्व बोहेइ ॥३९॥ दसणविमलपयावो दसदिसपसरंतणाणकिरणिल्लो। जत्थ ण रवि व्व सूरी मिच्छत्ततमंधओ देसो॥४०॥ उज्जोयओ व्व सूरो फलओ कप्पदुमो व्व आयरिओ। चितामणि व्व सुहओ जंगमतित्थं च, पणओ हं॥४१॥
वताना
Jain Education International
For Private & Personal Use Only
www.jainelibrary.org
