________________
१०८
नवस्मरणादिसले देसे सतरस नारगगइ-देवगईणऽभावओ हुंति। तिरिगइ-असंजमा उ, उदए छट्ठस्स न भवंति ॥१९॥ आइतिलेसाऽभावे, बारस भेया भवंति सत्तमए। तेऊ-पम्हाऽभावे, अट्टम नवमे य दस भेया॥२०॥ आइमकसायतियगं, वेयतिग विणा भवंति चत्तारि । दसमे उवरिमतियगे, लोभ विणा हुंति तिन्नेव ॥२१॥ चरमगुणेऽसिद्धत्तं, मणुआण गई तहा य उदयम्मि । तुरिआओ उवसंतं, उवसमसम्मं भवे पवरं ।।२२।। नवमे दसमे संते, उवसमचरणं भवे नराणं च । खाइगभेए भणिमो, इत्तो गुणठाणजीवेसु ॥२३॥ खाइगसम्मत्तं पुण, तुरियाइगुणट्ठगे सुए भणियं । खीणे खाइगसम्मं, खाइगचरणं च जिणकहिअं॥२४॥ दाणाइलद्धिपणगं, केवलजुअलं समत्त तह चरणं । खाइगभेआ एए, सजोगि चरमे य गुणठाणे ॥२०॥ जीवत्तमभव्वत्तं, भव्वत्तं आइमे अ गुणठाणे । सासण जा खीणतं, अभव्ववज्जा य दो भेया ॥२६॥ चरमे दुअगुणठाणे, भव्वत्तं वजिऊण जीवत्तं । एए पंच वि भावा, परूविआ सव्वगुणठाणे ॥२७॥ चउतीसा बत्तीसा, तित्तीसा तह य होइ पणतीसा। चउतीसा तित्तीसा, तीसा सगवीस अडवीसा ॥२८॥ बावीस वीस एगूणवीस तेरस य बारस कमेण । एए असन्निवाइअ भेया सव्वे य गुणठाणे ॥२९॥
Jain Education International
For Private & Personal Use Only
www.jainelibrary.org
