________________
नवस्मरणाविसङ्ग
गाङ्गेयभङ्गप्रकरणम्। वंदित्तु बद्धमाणं, गंगेअसुपुट्ठभंगपरिमाणं । इगजोगे सगभंगा, दुगजोगे भंग इगवीसा ॥१॥ तिगचउजोगे पत्तेअ भंग पणतीस पंचसंजोए । इगवीस य छज्जोए, सगभंगा सत्तए एगो ॥२॥ एकपवेसे सत्त य, दुपवेसे सत्त ते असंजोगे। दुगसंजोगो, एगो, भंगगुणा जोग कायव्वा ॥३॥ तिपवेसे इगजोगे, सत्त य भंगा इमेव सव्वत्थ । दुगजोगे संजोगा, दो चेव हवंति नायव्वा ॥४॥ तिगसंजोगे एगो, चउण्ह य पवेसि तिणि दुअजोगा। तियजोगा तिन्नेव य, चउसंजोगो भवे एगो ॥५॥ पंचपवेसि दुजोए, संजोगा इह हवंति चत्तारि । तिगजोए छज्जोआ, चउसंजोगा य चत्तारि ॥६॥ इग पंचगसंजोगो, छपवेसे पंच हुंति दुगजोगा। तिगजोगा दस चेव य, चउकसंजोग दस एव ॥७॥ पणसंजोगा पंच य, छस्संजोगो अ होइ इगु चेव । सत्तपवेसि दुजोए, संजोगा इत्थ छ चेव ॥८॥ तिगसंजोगा पणरस, वीसा पुण हुँति चउक्कसंजोगा। पणसंजोगा पणरस, छज्जोगा इंति छ चेव ॥९॥ सगजोगे इग भंगो, अट्ठपवेसे दुजोग सत्तेव । तिगजोगे इगवीस य, चउजोगे हुंति पणतीसा ॥१०॥
11111111111111111
Jain Education International
For Private & Personal Use Only
www.jainelibrary.org