________________
निगोदषट्त्रिंशिका। इहरा पडुच्च सुहुमे, बहुतुल्ला पायसो सगलगोला। तो बायराइगहणं, कीरइ उक्कोसयपथम्मि ॥११॥ गोला य असंखिज्जा, हुंति निओया असंखया गोले । इकिको य निगोओ, अणंतजीवो मुणेयन्वो ॥१२॥ लोगस्स य जीवस्स य, हुंति पएसा असंखया तुल्ला । अंगुलअसंखभागो, निगोयजियगोलगोगाहो ॥१३॥ जम्मि जिओ तम्मेव निगोओ तो तम्मि चेव गोलो वि । निष्फजइ जं खित्ते, तो ते तुल्लावगाहणया ॥१४॥ उक्कोसपयपएसे, किमेगजावप्पएसरासिस्स । हुज्जेगनिगोयस्स व, गोलस्स व किं समोगाढं? ॥१५॥ जीवस्स लोगमित्तस्स सुहमओगाहणावगाढस्स । इकिकम्मि पएसे, हुंति पएसा असंखिजा ॥१६॥ लोगस्स हिए भागे, निगोयओगाहणाइ जं लद्धं । उक्कोसपएऽतिगयं, इत्तियमिकिकजीवाओ ॥१७॥ एवं दव्वट्ठाए, सव्वेसि इकगोलजीवाणं। , उकोसपयमइगया होति पएसा असंखगुणा ॥१८॥ तं पुण केवइएणं, गुणियमसंखिजयं भविजा हि ? । भण्णइ दव्वट्ठाए, जावइया सव्वगोल त्ति ॥१९॥ किं कारणमोगाहणतुल्लत्ता जियनिगोयगोलाणं । गोला उक्कोसपएकजियपएसेहि तो तुल्ला ॥२०॥ गोलेहि हिए लोगे, आगच्छइ जं तमेगजीवस्स । उक्कोसपयगयपएसरासितुल्लं हवइ जम्हा ॥२१॥
Jain Education International
For Private & Personal Use Only
___www.jainelibrary.org
